NUR-SÝLTAN, 2019 jylǵy 21 maýsym - Ekonomıkalyq dıplomatııany iske asyrý aıasynda sheteldik ınvestısııalardy tartýdyń jańa júıesi qurylyp, bul baǵyttaǵy jumys únemi jetildirilýde. Osy jáne basqa da ınvestısııalyq yntalandyrý sharalary týraly búgin QR Úkimeti alańynda ótken Baspasóz konferensııasynda Qazaqstan Syrtqy ister mınıstrliginiń orynbasary Ermek Kósherbaev aıtyp berdi.
2018 jyldyń qorytyndysy boıynsha tikeleı sheteldik ınvestısııalardyń jalpy aǵyny 15,8%-ǵa ósip, 24,3 mlrd. AQSh dollaryn qurady.
E. Kósherbaevtyń aıtýynsha, 2018 jyly negizgi ınvestor elder qataryna kirgen - Nıderland - 7,3 mlrd. AQSh dollar (30,3%), AQSh - 5,3 mlrd. (22%), Shveısarııa - 2,5 mlrd. (10,5%), Reseı - 1,5 mlrd. (6,2%), Qytaı - 1,5 mlrd. (6,1%), Belgııa - 1,0 mlrd. (4,3%), Fransııa - 0,9 mlrd. (3,8%), Ulybrıtanııa - 0,6 mlrd. (2,4%) jáne Koreıa Respýblıkasy - 0,5 mlrd.
Elimizdiń Tuńǵysh Prezıdenti – Elbasy Nursultan Nazarbaevtyń tapsyrmasy boıynsha, ótken jyldyń jeltoqsan aıynda ınvestısııalar tartý qyzmeti Syrtqy ister mınıstrligine berildi.
Investısııalar tartýdyń jańa júıesiniń aldyńǵy júıeden aıyrmashylyǵy týraly suraqqa jaýap bergen Syrtqy ister mınıstriniń orynbasary bul eń aldymen sheteldik mekemelermen ózara is-qımyldy nyǵaıtý jáne osy ınfraqurylymdy ınvestısııa tartýdyń negizgi quraldarynyń biri retinde paıdalaný ekenin atap ótti. Osylaısha, qazirgi tańda ınvestormen jáne jobamen naqty jumys isteýge múmkindik beretin sheteldik mekemeler-ortalyq-óńir formatynda úsh deńgeıli júıe quryldy. Mundaı mehanızm jańa jobalar men ınvestorlardy anyqtaýǵa múmkindik beredi, jobany bastamashylyq etý men ony iske asyrý arasyndaǵy joldy qysqartady.
Sonymen qatar, jyl basynan beri Qazaqstannyń sheteldik mekemeleri sheteldik kompanııalarmen 140-ǵa jýyq kezdesýler ótkizip, iske asyrýǵa áleýeti joǵary 128 jobany anyqtaǵany atap ótildi.
Osy baǵytta Úkimettiń atynan biryńǵaı kelissózshi retinde áreket etetin jáne ınvestorlardy ıdeıadan jobany iske asyrýǵa deıin súıemeldeıtin «Kazakh Invest» ulttyq kompanııasy da mańyzdy ról atqarady. Sondaı-aq, «Astana» Halyqaralyq qarjy ortalyǵy tıisti qarjy quraldarymen jáne halyqaralyq deńgeıdegi qyzmetterimen óz alańyn usynady.
Baıandamada sondaı-aq iri jobalardy iske asyrý úshin rezervter bar basym sektorlar atap ótildi. Bul azyq-túlik ónerkásibi, agrohımııa, aýylsharýashylyq tehnıkasy, gaz hımııasy, aqparattyq-kommýnıkasııalyq tehnologııalar, taý-ken metallýrgııalyq kesheni.
Qazaqstandaǵy ınvestısııalyq klımatty jaqsartý jónindegi jumys týraly E. Kósherbaev «SIM-niń ınvestorlarǵa tek aqparat pen keńes qana emes, sondaı-aq memlekettik qyzmet kórsetýge arnalǵan biryńǵaı alań bolatyn front-keńselerdi qurý boıynsha jumystar júrgizip jatyr», - dep atap ótti. Sonymen qatar, ol qazirgi ýaqytta ınvestısııalyq zańnamany jetildirý boıynsha jumystyń júrgizilip jatqanyn atap ótti.
Sóz sońynda E. Kósherbaev ınvestısııalyq klımatty jaqsartý jónindegi jumystyń jalǵasatyndyǵyn jáne jańa ınvestorlardy tartý jáne áreket etetin ınvestorlardy ustap qalý úshin barlyq qajetti sharalar qabyldanatynyn atap ótti.
