Jańǵyrǵan Jetisýdaǵy jańa jobalar

Sál áriden bastasaq, oblys­ta «Rýhanı jańǵyrý» baǵdar­lamasyn tıisti deńgeıde júzege asyrý úshin 2017 jyly 319 joba men is-shara iske asyryldy. Sol jyly uıymdastyrylǵan 8584 is-shara 1 mln shamasynda adamdy qamtydy. Al 2018 jyly 323 joba iske asyrylyp, uıym­dastyrylǵan 9285 is-sha­raǵa qa­tysýshylar sany 1 mln 300 myńnan asty.

Jalpy, Elbasynyń «Rýhanı jańǵyrý» baǵdarlamasy sheńbe­rindegi jobalardy iske asyrý boıynsha usynystardy ázirleý, monıtorıng júrgizý ma­q­satynda Almaty oblysy ákimdiginiń janynan sarapta­malyq keńes qu­rylǵan bolatyn. Búginde keńes quramynda barlyǵy 22 múshe bolsa, olardyń ishinde 11 jetekshi ǵalym, úkimettik emes uıymdardyń jáne basqa da salalardyń ókilderi bar.

Bıyldan bastap «Rýhanı jańǵyrý» óńirlik jobalyq keńsesi ashylyp, ortalyqta qyz­met etýge shtat sany 20 adam­dy quraıtyn jobalyq menedj­mentti meńgergen mamandar, SMM-menedjerler, jastardyń úkimettik emes uıymdarynyń kóshbasshylary, kreatıvti, bilikti mamandar jınaldy. Bıyl aımaqta Elbasynyń «Rýhanı jańǵyrý» baǵdarlamasy men «Uly dalanyń jeti qyry» maqa­lasynda aıtylǵan baǵyttar­dy iske asyrýǵa arnal­ǵan jalpy sany 585 joba men is-shara qolǵa aly­nýda.

Onyń arasynda Jetisý óńi­­riniń týrızmin nasıhattaý maq­satynda túsirilgen «I love Taldykorgan» mıýzıkliniń tegin premeralyq kórsetilimi ótkizildi. Mıýzıkl Nur-Sultan, Almaty qalalarynyń kınoteatr­larynda kórsetilip, «YouTube» beınehostıngine júk­telip, 24 myńnan astam kórer­men tamashalady. «Muqa­lı» tarıhı-tanymdyq ekspedı­sııasy uıymdastyrylyp, arnaıy saparmen Qytaı H­a­lyq Respýblıkasynyń tarı­hı óńir­lerin aralap, sol ekspe­dısııanyń materıaldary negi­zinde taralym sany 1000 danada «Muqalı» atty kitap jaryq kórdi. Oblystyq tilderdi damytý jónindegi basqarmasynyń bastamasymen «Jańa álipbıde jazyp úıreneıik» onlaın-sabaq jobasy júzege asyrylýda. Basqarmanyń saıtyna júktelgen 36 onlaın-sabaqqa búginde 2260 tyńdaýshy qatysqan.

Mádenıet jáne sport, Aq­parat jáne qoǵamdyq damý mı­nıstr­likteriniń qoldaýymen, Almaty oblysy ákimdigi jáne «Rýhanı jańǵyrý» orta­­­­­lyq jobalyq keńsesiniń uıymdas­tyrýymen jaqynda halyqaralyq deńgeıdegi aýqymdy is-shara­lardyń biri - «Jahandaǵy zamanaýı qazaqstandyq máde­nıetti ilgeriletý» atty I Ha­lyq­­­­­­aralyq ǵylymı-tájirı­be­lik konferensııa­sy ótti. Úsh kún­dik konferensııaǵa Fran­sııa, Germanııa, Armenııa, Pol­sha, Belorýssııadan kelgen ha­lyq­­aralyq sarapshylar men ǵa­lymdar, mádenıettanýshylar, art-menedjerler, aımaqtyq jáne respýblıkalyq kólemdegi joba­lyq keńselerdiń ókilderi qatysty.

«Rýhanı jańǵyrý» baǵdar­lamasy aıasynda jaryqqa shyq­qan kitaptar legi bir tóbe. Onyń ishinde «Jetisý óńiriniń ha­lyq jáne halyq kompozıtorlary ánderiniń antologııasy» jınaǵynyń mártebesi joǵary. Antologııalyq jınaqqa jalpy sany 250-ge jýyq án kirdi. Kitap qazaq halqynyń ǵuryptyq ánderi, halyq ánderi, halyq kompozıtorlarynyń ánderi deı­tin 3 bólimnen turady. Son­daı-aq «Jetisý kitaphanasy» 100 tomdyǵy serııasynyń aıasynda ótken jyly 20 avtordyń kitaby jaryqqa shyqsa, bıyl 40 kitap basylady dep josparlanýda. Onyń ishinde 20 kitap jas aqyndardyń tuńǵysh jyr jınaǵy bolmaqshy.

Oblys kóleminde «Rýhanı jańǵyrý» baǵdarlamasy aıasynda júrgizilgen jumystardy aqparattyq súıemeldeýge de basa kóńil bólinip otyr. Onyń ishinde Facebook, Instagram, VK áleýmettik jelilerinde jáne YouTube vıdeohostınginde «Rý­ha­nı jańǵyrý» óńirlik jobalyq keńsesiniń paraqshalary ashylyp, aqparattyq sıpatqa ıe 27 jarııalanym men 46 vıderolık júkteldi. Al «Rýhanı jańǵyrý» baǵdarlamasy sheń­berinde túsirilgen beınerolıkter oblystyq telearnada jáne LED-ekrandarda 4-5 retten kórsetilýde. «Uly NOMAD», «Ult pen rýh», «Tarıh paraqtary» telebaǵdarlamalarynda taqy­ryp­tyq suhbattar uıym­das­tyrylýda. О́tken jyly VVS teleradıokorporasııasymen birlese «Jetisý» atty beınerolık túsirilgen bolatyn. Ony Jer sharynyń 571 mıllıon kórermeni tamashalady. Sondaı-aq beınerolıkti «Mır TV» telearnasy rotasııalap, 150 mıllıon kórermen taǵy tamashalady. Qazirgi ýaqytta «Jetisý» beınerolıgi TMD elderinde keńi­nen tanymal boldy.

Sondaı-aq «Uly dalanyń jeti qyry» maqalasy aıasynda birqatar jobalardy iske asyrýdy josparlap otyrmyz. Atap aıtqanda, «Jetisý arba báıgesi» baıqaýy, «Naǵyz qazaq dombyra» atty keshi, «Altyn saqa» atty asyq oıyny men «Sara - Birzhan» taqyrybynda aıtys uıymdastyrý, Ilııas Jansúgirov jaıly derekti fılm túsirýge kiristik. Munan bólek «Uly dala­nyń máńgilik mırasy – Manas» taqyrybynda qazaq-qyr­ǵyz zııalylarynyń III forýmy, «T-CON» ıllıýstrator­lar men anımatorlardyń halyq­aralyq festıvali, «Altyn adam izimen», «Jetisý týraly arab, parsy, túrki derekteri», «Ata-babalardyń bas­taýyna» atty 3 halyqaralyq ekspedısııasyn, «Orbulaq shaı­qasynyń tarıhı qoıylymy» jobasyn, «Kóshpendiler tarıhı qolóneri» festıvali, «Shógen - 2019» res­pýb­lıkalyq týrnıri, «Jetisý – Jibek jolynyń bas­taýy» atty jastar ekspedısııasyn uıym­dastyrý jáne «Tamyry tereń álipbı» antologııalyq jınaǵyn shyǵa­rý josparda bar.

Dana DÚISENOVA,

Almaty oblysy boıynsha «Rýhanı jańǵyrý» jobalyq keńsesiniń dırektory