BAQ ókilderiniń kásibı merekesi qarsańynda ótkizilgen jarysqa 50-ge jýyq jazýshy-jýrnalıst qatysty. Atap aıtar bolsaq, qol mergender jarysyna sóz mergenderi Qoıshyǵara Salǵarauly, Tólen Ábdik, Júrsin Erman, Aldan Smaıyl, Tursyn Jurtbaı, Qajyǵalı Muhanbetqalıuly, Saýytbek Abdrahmanov, fılologııa ǵylymdarynyń doktory Namazaly Omashuly, «Egemen Qazaqstan» gazeti» AQ basqarma tóraǵasy Darhan Qydyráli, belgili jýrnalıst Qaınar Oljaı jáne taǵy basqa BAQ qyzmetkerleri men zııaly qaýym ókilderi qatysyp, jarystyń kórigin qyzdyrdy.
Jarysqa qatysýshylar aǵa býyn jáne jas býyn bolyp eki topqa bólinip, ózara kim myqtyny anyqtady. Tastaıaq sheberleriniń arasyndaǵy týrnır qorytyndysy boıynsha aǵa býyn arasynda fılologııa ǵylymdarynyń doktory Namazaly Omashuly qarsylas shaq keltirmeı birinshi oryndy ıelense, ekinshi oryn belgili qalamger Sádibek Túgelge buıyrdy. Úzdik úshtikti jýrnalıst Kenje Jumaǵulov túıindedi.
Al jas býyn arasyndaǵy básekede «Kazahstanskaıa pravda» gazetiniń fototilshisi Maqsut Erjanov top jardy. Al ekinshi oryndy belgili aqyn, jýrnalıst Talǵat Eshenuly ıelense, úshinshi oryn jýrnalıst, Ishki ister mınıstriniń keńesshisi ári vedomstvonyń resmı ókili Nurdilda Orazǵa buıyrdy. Sonymen qatar úzdik oıynymen kózge túsken birneshe qatysýshyǵa túrli atalym boıynsha arnaıy dıplom tabystaldy.
BAQ ókilderi arasyndaǵy bılıard týrnıri – ıntellektýaldardyń kásibı jarysymen bir deńgeıde ótti dep nyq senimmen aıtýǵa bolady. Jarysqa qatysýshylar da týrnırdiń joǵary deńgeıde uıymdastyrylǵanyn atap ótip, jyl saıyn dástúrli jarys retinde jalǵasyn tapsa degen tilekterin de jetkizdi.
