Arys qalasynyń turǵyndary tolyq evakýasııalanady

«Qorǵanys, Ishki ister mınıstrlerine jáne Túrkistan oblysynyń ákimine Arys qalasy áskerı bólimindegi oq-dári qoımasynda bolǵan jarylystyń zardaptaryn joıý jóninde shuǵyl sharalar qabyldaýdy tapsyrdym. Turǵyndardyń qaýipsizdigin qamtamasyz etip, jarylystyń sebepterin anyqtaý qajet», delingen Prezıdent tapsyrmasynda. 

Osyǵan oraı, Túrkistan oblysy Arys qalasyndaǵy áskerı bólim aýmaǵyndaǵy jarylysqa baılanysty aımaq basshysy О́mirzaq Shókeevtiń tóraǵalyǵymen arnaıy komıssııa quryldy. Túrkistan oblysy ákimdiginiń basshylyq quramy oqıǵa ornyna bardy. Áskerıler men quqyq qorǵaý organdary TJ aımaǵyna kelip jetti.

«Tótenshe jaǵdaı jarııalandy. Barlyq aýdan, jaqyn eldi mekender jumyldyryldy. Qazirgi ýaqytta bolǵan oqıǵanyń aýqymynan qalany tutastaı evakýasııalaý kerektigin kórip turmyz. Barlyq baǵytta kólikter legi qozǵalady. Adamdardy ala ketip, arnaıy uıymdastyrylǵan lagerlerge jetkizedi. Aýdandardyń ákimderi óz komandalarymen birge lagerler uıymdastyryp, kelgen adamdardyń tizimin jasap, kimderdi týystaryna, kimderdi qonaq úılerge ornalastyrý kerektigin anyqtaý kerek. Ár lagerdi aýdan ákimi basqarady», - dedi О́.Shókeev. 

Oblys ákiminiń tapsyrmasyna sáıkes, turǵyndar úsh lagerge ornalastyrylady. Olar: Aqdala burylysy; 41 razezd; Vodozobor baǵytynda lagerler. Atalǵan úsh baǵyt boıynsha áskerı kólikter, kamazdar men arnaıy jasaq jumyldyrylýda. Lager basynda turǵyndardy aýdan ákimderi qarsy alyp, jaıǵastyrady. Áleýmettik nysandardy (aýrýhana, balalar) polısııa qyzmetkerleri kóshirýde. 

Tótenshe jaǵdaıǵa baılanysty qurylǵan arnaıy shtab qazirgi tańda kóptep tarap jatqan «Bógen» sý qoımasynan keletin qaýip týraly aqparattyń jalǵan ekenin málimdedi.  

Sondaı-aq, Otyrar men Ordabasy aýdandarynda 100 oryndyq eki gospıtal ashyldy. Qosymsha 30 jedel medısınalyq kólik jumys isteýde.

Arystaǵy tótenshe jaǵdaıǵa qatysty Túrkistan oblysy tótenshe jaǵdaı departamenti habarlama taratty. Onda turǵyndardy jarylys bolǵan aımaqqa, qaýipti zatqa jaqyndamaýǵa, qaýipti jerlerden tez arada ketýge, aınaladaǵylarǵa qaýip týraly eskertýge shaqyrdy. Sonymen qatar, evakýasııa kezinde qujattar jáne birinshi kezektegi qajet zattardy alýǵa, búlingen konstrýksııalar men jalańash symdardy ustamaýǵa, qutqarý qyzmetiniń nusqaýlaryna sáıkes áreket etýge úndep, qandaı da bir qıyndyqqa tap bolǵan jaǵdaıda Túrkistan oblysy boıynsha qaýyrt jeli (8723-35-83-02) qyzmetine habarlasýdy eskertti.  Ári, Shymkent qalasy TJ departamentinde táýlik boıy «Qaýyrt jelisi» 8 (7252) 44-94-72 jumys isteýde. Arystaǵy tótenshe jaǵdaıǵa baılanysty megapolıste 14 evakýasııalyq beket ashyldy. Qazirgi tańda qaýyrt jeli si boıynsha 700-ge jýyq telefon habarlama kelip tústi. Qalada 15 evakýasııalyq beketi ashyldy. Sonymen qatar Arys qalasynan halyqty kóshirý úshin 40 avtobýs daıyndalyp, jiberilgen.

Al, QR Qorǵanys mınıstrligi taratqan aqparatta oqıǵa ornyna arnaıy komıssııa jóneltilgen.      

Arystaǵy tótenshe jaǵdaıǵa oraı Ordabasy aýdanynda medısınalyq shtab quryldy. Ordabasy aýdandyq ortalyq aýrýhanasynan jáne Oblystyq klınıkalyq aýrýhanasynda 200 - den astam naýqasqa arnalǵan oryn daıyndaldy. 30 jedel járdem kólikterin Shymkent qalasyna kirer 3 jolǵa qoıyldy. Taǵy da qajet bolǵan jaǵdaıda birneshe aýdandardan aldyrylǵan qosymsha jedel járdem kólikteri daıyn. Oblystyq klınıkalyq aýrýhanadan travmatolog, hırýrg, reanımatolog dárigerler qurylǵan medısınalyq shtabqa jınaldy. Qazirgi kezde jaraqat alǵandar joq. Evakýasııa jumystary júrgizilip jatyr. Arys qalalyq ortalyq aýrýhanasy men emhanasynan naýqastar evakýasııa jasaldy.

Jarylys saldarynan Otyrar SRB-ǵa 34 adam kelgen. Olardyń barlyǵyna medısınalyq kómek kórsetilgen. Aýdan ákimdigimen birge jaıǵastyrý jumystary júrgizilip jatyr. 

Esterińizge salar bolsaq, 24 maýsym saǵat 09:20-da órt sóndirý qyzmetine №44856 áskerı bólimniń qoımasynda jarylys bolyp, órt shyqqany týraly habarlama kelip túsken. Oqıǵa ornyna oblystyq TJD jeke quramynyń 52 adamy men 12 tehnıkasy jumyldyryldy. Sondaı-aq Shymkenttegi kınologııalyq qyzmettiń 23 adamy attandyryldy. Qazirgi tańda oqıǵa ornynda órt sóndirý sharalary men evakýasııalyq jumystar júrgizilýde. Tótenshe jaǵdaıdan zardap shekkender týraly aqparat anyqtalýda.

Túrkistan