Bul syn óskeleń urpaqqa da qatysty. О́z óńiriniń ǵana tarıhyn biletin jas kúni erteń tutas eldiń qamyn qalaı jeıdi, qalaı bilikti urpaq, bolyp qalyptasady?!
Endi osy olqylyqtardy jekelegen oqý oryndarynyń ózi toltyryp jatqandyǵy qýantady. Qyzylordaǵa Nazarbaev Zııatkerlik mektepteriniń «Týǵan jerge taǵzym» jobasy aıasynda Almaty men Qostanaı oblysynan oqýshylar ekspedısııasy keldi. Olar bir apta boıy óńirdiń tarıhy men mádenıetin jáne ınnovasııalyq nysandardy zerttemek. О́lketaný zertteý ekspedısııasy alǵashqy kúni oblystyq tarıhı-ólketaný mýzeıinde bolyp, óńirdiń ótkeni men búgingisin bederleıtin eksponattarmen tanysty. Syr jaǵasynda oryn tepken bul aımaqtyń óz tarıhynda kórmegen quqaıy joq. Aıbaltalary kúnge jarqyrap, qylyshtary salaqtap qoqańdaǵan qoqandyqtar Aqmeshit qalashyǵynyń negizin saldy. Reseı patshasynyń oqpany soraıǵan zeńbirekterin súıregen orys armııasy Perovsk dep ózgertti. Sultanbek Qojanov bastaǵan alash arystary kemsitý maǵynasyn beretin «qyrǵyz-qaısaqtan» qazaq ataýyn qaıtaryp, jańa qalaǵa «Qyzylorda» ataýyn bergenge deıingi qıly tarıhyn bilmekke qushtar oqýshylardyń tanymyn jańa derektermen tolyqtyrdy.
Oqýshylar ekspedısııasy Qorqyt Ata atyndaǵy ýnıversıtettiń arheologııa jáne etnografııa ortalyǵynda Shirik-Rabat, Jankent, Syǵanaq, Aqmeshit ataýyn alǵan tórt astana ortalyǵy bolǵan kóne qalalardyń baı tarıhymen tanysty.
Oblystyq ámbebap ǵylym kitaphanasynda Syr óńiriniń maqtanyshtary Ábdilda Tájibaev pen Qaltaı Muhamedjanovtyń shyǵarmashylyǵyna arnalǵan kórmeni aralady. Osynda oqýshylar Halyqaralyq Jazýshylar odaǵynyń múshesi, «Shabyt» shyǵarmashylyq festıvaliniń júldegeri, birneshe jyr jınaqtarynyń avtory Tolqyn Qabylshamen kezdesip, jeke shyǵarmashylyǵymen tanysty.
Oqýshylar ekspedısııasy endi bir apta boıy Aqmeshit-Perovskiniń tarıhynan bólek, Syǵanaq qalashyǵynyń derekterimen, Qarataý bókterindegi qola dáýirine jatatyn petroglıftermen jáne Syrdarııasymen sulý shahardyń eskertkishterimen tanysady. Týǵan jerdiń tarıhyn taný osyndaı izgi nıetterden bastalady.
Qyzylorda oblysy
