Túrkistan oblysyndaǵy tótenshe jaǵdaı boıynsha oblystyq shtab qurylyp, turǵyndardy basqa jerlerge ornalastyratyn 48 ortalyq ashyldy. Jalpy, Arys qalasy men aýyldarda 40 mektep (18399 bala), 50 mektepke deıingi uıymdar jumys atqarady (5071 bala). Qaýipti aımaqta 13 mektep (11377 bala), 6 memlekettik, 23 jekemenshik balabaqsha (3278 bala) ornalasqan. Olardaǵy balalardyń barlyǵy qaýipsiz jerlerge kóshirildi», - delingen mınıstrlik aqparatynda.
Alty aýdanda (Shymkent, Túrkistan qalalary, Saryaǵash, Qazyǵurt, Ordabasy, Shardara, Otyrar aýdany) orta mektep, kolledj, balabaqsha, mektep-ınternattarǵa evakýasııalanǵan azamattarǵa barlyq jaǵdaılar jasalǵan. Turǵyndar aýyz sýmen, ystyq tamaqpen, tósek oryndarymen, kıim-keshekpen jáne jeke gıgıenalyq zattarmen qamtamasyz etildi.
«Barlyq 48 ortalyqqa jalpy sany 3860 adam, onyń ishinde, 0-men 18 jas aralyǵyndaǵy 914 bala jetkizildi. Búgingi aqparat boıynsha, 1149 bala ata-analarymen qaýyshty. 15 bala ázirge ata-anasyna berilgen joq. Ár ortalyqta pedagog-psıhologtar jumys jasap jatyr. Barlyǵy 158 pedagog-psıholog tartyldy. Shtab jumysyn táýlik boıy atqaryp jatyr. Osy baǵytta jumystar áli de jalǵasady», - dedi vedomstvodan.
