Keshtiń basty jekpe-jeginiń birinde jartylaı orta salmaqtaǵy M-1 Global nusqasynyń altyn belbeý ıegeri Shavqat Rahmonov brazılııalyq Tıago Varejao Laserdamen kúsh synasady. Osy aıqasty tamashalaýǵa barsha jankúıerler erekshe qushtarlyq tanytyp otyr. Sebebi, qandasymyz jeńiske jetken jaǵdaıda oǵan osy sport túrindegi eń beldi uıym – UFC-ge dańǵyl jol ashylady. Mamandar men jankúıerlerdiń paıymdaýynsha, Shavqat ondaı qurmetke laıyq. Sebebi, osy kúnge deıin 11 kezdesý ótkizgen 24 jastaǵy qazaq sportshysy barlyǵynda aıqyn jeńiske qol jetkizdi. Ol birde-bir qarsylasyna bet qaratqan joq.
Nur-Sultandaǵy jarysta Shavqat Rahmonovqa qarsylas atanyp otyrǵan Ońtústik Amerıkanyń oǵlany da óte myqty. 29 jastaǵy Tıago Varejao Laserda 36 ret aıqas alańyna shyǵyp, 28 márte ústemdik tanytty. 23 jekpe-jekti merziminen buryn aıaqtady. 6 ret utylyp, 1 ret teń tústi. Taǵy bir kezdesýdiń nátıjesi esepke alynǵan joq.
