- Túrkistan oblysyndaǵy qaıǵyly oqıǵa týraly bárimiz de habardarmyz. 40 myńnan astam zardap shekkender búginde úıine orala almaı otyr. Japonııadaǵy atom elektrstansııasyndaǵy apat kezinde Qazaqstan bizdiń halqymyzǵa ólsheýsiz kómek, qoldaý kórsetti. Biz ony umytqan joqpyz, sondyqtan zardap shekkenderge qolymyzdan kelgenshe kómektesemiz degen nıettemiz,-dedi «Tokyo Rope Almaty» JShS-niń bas dırektory Takeıama Toshıo.
О́ńir basshylyǵymen kezdesý kezinde japon ınvestorlary eki jaqty yntymaqtastyq máselelerin talqylady. Kúnshyǵys eliniń bıznes – kompanııalarynyń Atyraý óńirine qyzyǵýshylyq tanytýynyń sebebi – Qazaqstannyń munaı-gaz salasyndaǵy neǵurlym iri jobalary osynda shoǵyrlanǵan. О́ńirdiń ınvestısııalyq múmkindikterimen tanysý úshin Atyraýǵa «Metal One Corporation», «Metal One Steel Products Corporation» jáne basqa da kompanııalardyń basshylyǵy keldi.
Álem boıynsha bolat ónimderin óńdeıtin 160 japondyq jáne sheteldik kompanııalarymen jumys isteıtin «Metal One Corporation» kompanııasy bolat dıstrıbıýsııasy salasynda kóshbasshy.
«MetalOneSteelProductsCorporation» jalpyulttyq kólemde sym shybyqtaryn, arnaıy bolat jáne tot baspaıtyn bolat shyǵarýmen aınalysady.
Oblys ákimi Nurlan Noǵaev ınvestorlardy óńirdiń ınvestısııalyq múmkindikterimen tanystyryp, Elbasynyń, Prezıdenttiń el ekonomıkasyna ınvestısııalar tartýǵa zor mańyz berip otyrǵanyn atap ótti. «Biz tıimdi qarym-qatynas úshin qajetti barlyq jaǵdaıdy jasaımyz, ekijaqty yntymaqtastyń áleýeti zor»,-dep óńir basshysy atap aıtty.
Japondyq ınvestorlar ónim óndiretin óz zaýytyn salýdy josparlap otyr. Jumys sapary kezinde olar bolashaq qurylystyń alańshasyn qaraıdy. Sondaı-aq, ındýstrıaldyq munaı hımııasy tehnoparkiniń jumysymen tanysady.
