Kesheden beri respýblıkamyz boıynsha, «Arys, biz birgemiz!» atty aksııanyń bastaý alyp ketkeni málim. Osyǵan oraı, búgin Nur-Sultan qalasynyń Dostyq úıinde elorda etnomádenı birlestikteriniń ókilderi bas qosyp, qaıyrymdylyqqa baǵyttalǵan isterdi júıeli atqaryp shyǵýǵa ýaǵdalasyp, Túrkistan oblysyndaǵy Arys qalasyna qaıyrymdylyq kómegin uıymdastyratynyn málimdedi.
Qazirden bastap bul qalaǵa jóneltiletin zattar tizimi jasaqtaldy. Jaqyn arada bul kúndelikti turmysqa qajetti zattar jınalǵan boıda, Arys qalasyna jiberiletin bolady. Al dál keshegi kúni «Nur-Sultan qalasy ózbek etnomádenı ortalyǵy» qoǵamdyq birlestigi tóraǵasynyń orynbasary Hasan Halmatovıch Sharıpov óz jeke qarjysy esebinen Arys qalasyna 22 tonna un jóneltipti.
