Danııar Satybaldın oblys ortalyǵynan úsh júz shaqyrymdaı jerde ornalasqan Aıyrtaý aýdanynda turady. On jyldan beri jolaýshy tasymaldaýmen aınalysyp keledi. О́z isine tııanaqty qarapaıym mamandyq ıesi jýyrda «temir tulparynyń» ishin arnaıy apparatýramen, ekranmen, mıkrofonmen, ánder jazylǵan kitapshamen jabdyqtap, karaoke-taksıge aınaldyrdy.
«Alys jolǵa shyqqan jolaýshylarǵa bir sát bolsa da kóńil kúıin kóteretin qýanysh syılaǵym keldi. Oılastyra kelip, osy qyzmet túrin tańdadym. Kez kelgen ándi júrek qalaýy boıynsha tańdaı alady. О́zimniń de «áý» deıtin ónerim bar. Qosylyp ta aıtatyn kezimiz bolady. Án shyrqaý tasymal qunyna esh áser etpeıdi. Bastapqyda meniń bul «ápendi» qylyǵyma tańyrqaı qaraýshylar qazir úırenisip ketti», deıdi Danııar.
Onyń aıtýynsha, áskerı qyzmetkerler «Ofısery» ánin, jastar «Nensı» tobynyń týyndylaryn oryndaǵandy unatady. «Zelenoeglazoe taksı» áni de jıi shyrqalatyn kórinedi. Shámshiniń ánderin qalaıtyndar da az emes.
Karaoke-taksıstiń endigi oıy – shaǵyn avtobýs satyp alyp, osy qyzmet túrin jetildirý.
Soltústik Qazaqstan oblysy
