Otyrys barysynda atalǵan kólik baǵdaryna júkterdi tartý boıynsha jumys tıimdiligin arttyrý, konteınerlik tasymaldy damytý, baǵdar boıynsha qolaıly tarıftik jaǵdaı jasaý máseleleri talqylandy.
«Qazaqstan temir joly» UK»AQ basshysy, «THKB» HA» ZTB Basqarma tóraǵasy Saýat Myńbaev Transkaspıı dáliziniń áleýetin paıdalaný boıynsha iske asyrylatyn sharalardy qabyldaýdyń mańyzyn atap ótti.
«Bul baǵdar boıynsha júk aǵynyn ulǵaıtý jumysyn jandandyrý qajet. Biz qabyldaǵan sheshim dálizge jańa qatysýshylardy tartýǵa yqpal etýi tıis», dedi S.Myńbaev.
Iri kóliktik-logıstıkalyq kompanııalardyń atalǵan halyqaralyq dálizge qyzyǵýshylyǵy artýda. Máselen, «THKB» assosıasııasyna negizgi qyzmeti mamandandyrylǵan jyljymaly quramdy basqarý, astyq tasymaly boıynsha kóliktik-ekspedıtorlyq qyzmet kórsetý bolyp tabylatyn «Astyq-Trans» AQ múshe boldy.
Otyrys qorytyndysy boıynsha «Transkaspıılik halyqaralyq kólik baǵdary» HA» ZTB jalpy jınalysynyń hattamasyna qol qoıyldy. Shara sheńberinde basshylar, ıaǵnı «THKB» assosıasııasynyń turaqty músheleri kelesi qujattarǵa, ıaǵnı:
– Kaspıı teńizindegi porttar arasynda (Aqtaý, Baký(Alıat) fıderlik kemelerdiń qatysýymen tikeleı temir jol-sý qatynasymen konteınerlik tasymaldy uıymdastyrý týraly kelisimge;
– THKB baǵdary boıynsha konteınerlik poıyzdar quramynda júk tasymalyn uıymdastyrý barysynda jetkizý merzimine jaýapkershilik sharalary men ózara is-qımyl týraly kelisimge qol qoıdy.
