Jańa tásildiń buǵan deıin qoldanylyp kelgen kóldetip sýarý júıesinen ózgesheligi men artyshylyǵy qandaı? Sala jetekshileriniń derekterine súıensek, 70 metr tereńdikte ornatylǵan sorǵy, avtomatty túrde iske qosylyp, aǵashtardyń jáne kógaldar men gúlzarlardyń óz ýaqytynda ári turaqty túrde sýmen qamtylýyna múmkindik týǵyzady. Olardyń oıynsha bul tásil sý tasıtyn kólikterdiń kómegimen sýarǵannan góri áldeqaıda tıimdi, ári áldeqaıda tıimdi.
Izraıldyq ádiske baǵyttalǵan tehnolgııalar aǵashtardyń tamyryna kún saıyn 100 tekshe metrden astam sý sińire alady eken. Aqtóbe qalasynda aldaǵy ýaqytta osyndaı tamshylatyn sýarý ádisine arqa súıeıtin segiz jobany iske asyrý kózdelgen. Onyń tolyqtaı júzege asýy jańa sýarý tásiliniń alǵashqy nátıjelerine baılanysty bolmaq.
Osy taqyryp aıasynda Aqtóbe qalasynda oryn alyp júrgen keıbir keleńsizdikterdi aıta ketýdiń de oraıy kelip turǵandaı. Munyń basty syry kúz ben kóktem aılarynda ókiletti uıymdar tarapynan pálenbaı myń túp tal-terekter egildi degen keń pafosqa toly aqparattar men raporttar beriletininde. Keıin jas óskinderdiń ósýine tıisti kútim jasalmaı, qýrap qalatynynda. Mundaı bos maqtanshylyq pen qur dabyra jaǵdaıynda Aqtóbede jasyl jelektiń tez jaıqalyp óse qoıýy ekitalaı. Aǵashtardy ekennen keıin ongy der kezinde sýarý men kútip-baptaýdyń taǵy bir tıimdiligi óte mol ekeni málim. Osy oraıda turǵyndardyń jappaı tal-terek egý en ósirý mádenıetin boılaryna sińire almaı júrgeni de qynjyltpaı qoımaıdy. Mundaı jaǵdaıda megopolıs qala atanýǵa úmitker bolyp otyrǵan Aqtóbe ózge jaǵynan emes, kósheler men alańdardy jasyl jelekke oraý men kógaldandyrý turǵysynan «bir kem dúnıege» tap bolmasyna eshkim kepildik bere almaıdy.
