Festıvalge Reseı men Qazaqstandaǵy jetekshi qolóner ortalyqtary men klýbtarynyń ókilderi qatysyp, ejelgi babalar qoldanǵan qarýlardy, quraldar men turmystyq zattardy, ejelgi dáýirdegi teri men kıizden jasalǵan kıimderdi jasap kórsetti. Kórermender ejelgi kıimder defılesin de tamashalady. Onda Uly dala turǵyndary: andronovtyqtar, saqtar, qypshaqtar, altynordalyqtardyń jańǵyrtylǵan kıimderi kórsetildi.
«О́rkenıet birden kele qalǵan joq. Bizdiń dáýirimizge deıingi ejelgi babalar jyly ári turmysqa qolaıly zattardy jasaı bastady. Arheologııalyq qazbalardan olar qoldanǵan kıimderdiń jurnaqtary tabylyp jatady. Olardan qalǵan mura jalpy adamzatqa ortaq. Mysaly, Qazaqstandaǵy Uly dala men Ýkraına halqynyń mádenıetinde ejelgi babalardan qalǵan muranyń uqsasatyǵy tańqaldyrady. Pavlodar qalasyndaǵy «YMAI» ǵylymı-zertteý laboratorııasy ejelgi babalar muralaryn jańǵyrtýda úlken jumystardy qolǵa ala bastady» – deıdi laboratorııa meńgerýshisi Tatıana Krýpa. Bul festıvaldiń uıymdastyrylýyna arheologııa salasyndaǵy ǵylymı jumystar nátıjesi men kózqarastar toǵysy sebep bolypty.
– Árbir arheologty tabylǵan oljadan keıin kóp oı mazalaıdy. Olar «tabylǵan súıek ejelgi dáýirlerde qalaı kıindi, qalaı tamaqtandy, qalaı ómir súrdi?» degen oılarǵa jaýap izdeıdi. Chelıabi oblysyndaǵy Ońtústik Ýral ýnıversıtetindegi «Arheos» tarıhı jobalar ortalyǵynyń ǵalymdarymen, Hanty-Mansııskidegi «Halyq kórkem qolóneri men kásipshiligi» ortalyǵy mamandarymen kelisip, osyndaı festıval ótkizýdi oılastyrǵanbyz. Festıval Qostanaı oblysy óńirindegi arheologııalyq eskertkishterdi nasıhattaýdy da maqsatynyń biri etip otyr. Muny urpaq bilýi tıis, – deıdi arheolog Emma Ýsmanova.
Festıvalde qolónershiler ejelgi adamdar qoldanǵan qumyralar, toqyma buıymdaryn, tastan quraldar jasap kórsetti. Sonymen qatar festıval qonaqtary Novoılın aýylyndaǵy arheologııalyq qazba ornyna saıahat jasady.
Qostanaı
