Baqytjan Saǵyntaevtyń aıtýynsha, qalanyń Qoǵamdyq keńesi respýblıkadaǵy eń belsendisi. Qurylǵan jyldardan bergi aralyqta qala tirshiligine qatysty eń ótkir ári barynsha aýqymdy máselelerdi sheshýde orasan zor jumystar atqaryldy. Ekologııa, sáýlet, kólik, TÚKSh, qaýipsizdik, áleýmettik ınfraqurylym jáne basqa birqatar qala jobalary, onyń ishinde Botanıka baǵyn, temirjol vokzaldaryn, basqalaryn rekonstrýksııalaý qoǵamdyq talqylaýǵa arqaý bolǵan. Bulardyń barlyǵy ákimdik qabyldaǵan sheshimderde kórinis tapqany belgili.
Qala ákimi sonymen qatar Qoǵamdyq keńestiń zamanaýı jaǵdaıdaǵy jańa róline toqtaldy. «Sizder únemi halyqpen birgesizder. Sizder qala turǵyndarynyń áleýmettik kóńil kúılerin jete bilesizder. Azamattar men qoǵamnyń negizgi talaptaryn sezine otyryp, sizder olardy memleket múddesimen úndesýge, bılik organdarynyń olardy sheshýine kómek beresizder» dep atap ótken Baqytjan Saǵyntaev azamattarmen ashyq kommýnıkasııa óz jumysyndaǵy negizgi basymdyqtardyń biri ekendigine toqtaldy. Ashyq dıalogtar qalany damytý josparlarymen bólisýge, olardy talqylaýǵa, sondaı-aq birlesken kúsh-jiger qala turǵyndarynyń ómir deńgeıiniń sapasyn arttyrýǵa, ınfraqurylymdardy jaqsartý boıynsha barynsha utymdy sheshimder qabyldaýǵa múmkindik beredi.
