«Batys» óńirlik qolbasshylyǵynyń áskerı bólimderinde mamandyq boıynsha daıyndyq bólimshe komandırleri men serjanttarynyń basshylyq etýimen júrgizildi. Sabaqtardy sapaly ótkizý úshin árbir áskerı mamandyq boıynsha oqý toptary quryldy jáne jan-jaqty daıyndalǵan áskerı qyzmetshiler sanynan nusqaýshylar anyqtaldy.
- Mamandyq boıynsha daıarlyqtyń basty maqsaty – jeke quramǵa óziniń laýazymdyq mindetterine tıisti bilimdi berý, shtattyq qarý-jaraǵy men áskerı tehnıkasyn oqý jáne atys qarýyn qalypty urys jaǵdaıyna keltirýdi úırený bolyp tabylady. Búgingi kúni jalpy sany 3000-ǵa jýyq jaýyngerler 160 oqý toptary boıynsha, 400-den asa tájirbeli serjanttardyń jetekshiligimen tálim aldy, - deıdi óńirlik qolbasshylyq áskerleriniń qolbasshysy, polkovnık Nurlan Aldııarov.
Sabaqtar barysynda jeke quramnyń qarý men jaýyngerlik tehnıkany is júzinde qoldanýyna, shtattyq baılanys quraldarynda jumys jasaı bilýleri men alǵashqy medısınalyq kómek kórsetýge kóńil bólindi.
Endigi kezekte áskerı qyzmetshiler bólimshelerdiń daıarlyǵyna kirisip ketti.
