«Arys qalasyndaǵy jarylystan keıin 409 adam medısınalyq kómekke júgingen. Olardyń 329-y ambýlatorııalyq em alyp, 80-i aýrýhanaǵa jatqyzylǵan bolatyn. Búginge deıin aýrýhanaǵa túsken 15 adam saýyǵyp shyqty jáne bir kisi qaıtys boldy. Qazirgi ýaqytta aýrýhanalarda 64 naýqas em alýda. Jaǵdaıy aýyr 9 naýqas jansaqtaý bóliminde jatyr, onyń 4-i bala. Eki balany elordaǵa jetkizý úshin sanıtarlyq avıasııa Shymkentke ushyp shyqty. Olar astanaǵa «Ana men bala» Ulttyq ortalyǵyna aýystyralady. Taǵy bir naýqas Almaty qalasyndaǵy №7 klınıkalyq aýrýhanasyna jetkizilmek», dedi E.Birtanov.
Onyń málimdeýinshe, jaraqat alǵan barlyq naýqastarǵa kómek berý úshin jedel járdem kómegin uıymdastyrý máselesi sheshilgen. Túrkistan oblysynan, Shymkent qalasynan jáne Jambyl oblysynan 20 jedel járdem brıgadasy jumys istep, kúzetýde. Qajetti dári-dármek, medısınalyq qural-jabdyqtar jetkilikti. Aýrýhanalarda jatqan naýqastardyń 90 paıyzy, ıaǵnı, 64 naýqastyń 56-sy túrli jaraqattar alǵan. 6 naýqas tútinnen ýlanǵan jáne 2 adam oqqa kúıgen.
«Medısınalyq kómek kórsetýge basqa oblystardan jáne Túrkistan oblysynan 140 dáriger jumyldyryldy. Olar evakýasııalyq pýnkterde sanıtarlyq-dezınfeksııalyq jumystar júrgizýde», dedi Densaýlyq saqtaý mınıstrligi.
Aq halattylardyń arasynda jedel járdem mamandary ǵana emes psıhologtar da bar ekenin jetkizgen mınıstr qala ashylǵannan keıingi alǵashqy mindet sondaǵy aýrýhanalardy jedel jóndep, jumysty qalpyna keltirý ekenin atap ótti.
Maıgúl SULTAN,
«Egemen Qazaqstan»
