Otyrysta QR Tuńǵysh Prezıdenti – Elbasy Nursultan Nazarbaev bastamashy bolǵan «Sıfrlyq Qazaqstan» memlekettik baǵdarlamasyn iske asyrý barysy jáne Memleket basshysy Qasym-Jomart Toqaevtyń el ekonomıkasyn sıfrlandyrýdy jedeldetý jónindegi tapsyrmalaryn oryndaý máselesi qaraldy.
Taý-ken kesheni, óńdeý ónerkásibi, agroónerkásiptik sektorda sıfrlandyrýdy engizý boıynsha qabyldanyp jatqan sharalar týraly QR ındýstrııa jáne ınfraqurylymdyq damý mınıstri R. Sklıar, QR aýyl sharýashylyǵy mınıstri S. Omarov, QR sıfrlyq damý, ınnovasııalar jáne aeroǵarysh ónerkásibi mınıstri A. Jumaǵalıev, energetıka vıse-mınıstri Á. Maǵaýov baıandady.
Taý-ken metallýrgııa kesheni jáne óńdeý ónerkásibi salasynda 200-ge tarta sıfrlyq jobalar júzege asyrylyp jatyr, onyń ishinde 12 modeldik sıfrlyq fabrıka qurylǵan. Agroónerkásiptik keshende elektrondy saýda alańyn, mal sharýashylyǵy men ósimdik sharýashylyǵynda ónimdi tańbalaý jáne qadaǵalaý júıesin engizý, sıfrlyq fermalar qurý, memlekettik qyzmetterdi avtomattandyrý boıynsha sıfrlyq jobalar qoldanylýda. Otyn-energetıka kesheninde «Zııatkerlik ken oryndary», «Sıfrlyq kenish» aqparattyq júıeleri, munaıdy esepke alý, Biryńǵaı elektroenergetıkalyq júıe rejımderin basqarýdy avtomattandyrý engizilip jatyr.
Ekonomıka salalarynda sıfrlandyrýdy engizý esebinen ónimdiliktiń jyl saıynǵy ósimin 2-10%-ǵa, ken oryndaryndaǵy óndirý ósimin — 3% arttyrý, óndiristik shyǵyndardy 10-20% qysqartý, AО́K-te dálme-dál eginshilikti qoldaný esebinen ónimdilikti 25-50% ulǵaıtý kútilýde.
Otyrystyń qorytyndysyn shyǵara otyryp, QR Premer-Mınıstri Asqar Mamın sıfrlyq kún tártibiniń mańyzdylyǵyn aıta otyryp, ekonomıka salalarynda sıfrlyq sheshimderdi engizý jumysyn kúsheıtýdi tapsyrdy.
