M-1 nusqasy boıynsha chempıondyq belbeýdi ıelengennen keıin 2008 jyldyń jeltoqsan aıynda ol álemdegi eń beldi uıym – UFC-ge aýysqan edi. Sol kezden beri eki kezdesý ótkizip, ekeýinde de jeńiske jetti. Al keshe qazaqtyń uly Sheshenstannyń eń ataqty erejesiz jekpe-jek sheberleriniń biri Zýbaıra Týhýgovpen aıqasýǵa ázir ekenin aıtyp, óz málimdemesin áleýmettik jeli arqyly joldady.
Esterińizge sala keteıik, 28 jastaǵy reseılik sportshy osy kúnge deıin 22 báseke ótkizip, 18 ret basymdyq tanytty. Osydan alty jyl buryn Týhýgov Almatyda ótken týrnırde «Naıman» degen búrkenshik esimmen tanymal Qýat Hamıtovty upaı sanymen utty.
Sonymen qatar, byltyr kúzde AQSh-tyń Las-Vegas qalasynda Habıb Nurmagomedov pen Konor MakGregor arasyndaǵy jekpe-jek aıaqtalǵannan keıin qos komanda ókilderi arasynda tóbeles shyqqany esterińizde bolar. Mine, sol kezde oktagonnyń ishinde aty-shýly Irlandııa sportshysymen soqqy almasqan dál osy Zýbaıra Týhýgov edi.
