10 kúnge sozylǵan aıtýly dodada 50 memleketten kelgen 3 844 sportshy baq synady. Olar sportyń 15 túri boıynsha 200 júlde jıyntyǵyn sarapqa saldy. Qart qurlyqtyń barlyq myqtylary bas qosqan keshendi jarys Reseı quramasynyń aıqyn jeńisimen aqtaldy. Olar 109 (44 altyn+23 kúmis+42 qola) júlde oljalap, jalpy komandalyq esepte kósh bastady.
Ekinshi orynda – Belarýs. Jarys qojaıyndary 69 (24+16+29) júldege qol jetkizdi. Úshinshi satyǵa 51 (16+17+18) medali bar Ýkraına sportshylary jaıǵasty. Sondaı-aq, úzdik bestiktiń qataryna Italııa men Gollandııa quramalary qosyldy. Apennın túbeginiń túlekteri 41 (13+15+13) júldeni enshilese, Qyzǵaldaqtar eliniń ókilderi 29 (9+13+7) márte jeńis tuǵyryna kóterildi.
