Osymen 28 márte uıymdastyrylǵaly otyrǵan dástúrli jarysy arqyly kóptegen saqa sportshylardyń tárbıelenip shyqqany barshaǵa málim. Solardyń qatarynda Vıtalıı Savın, Olga Shıshıgına, Olga Rypakova, Grıgorıı Egorov, Dmıtrıı Karpov, Igor Potapovıch jáne taǵy basqa dańqty jerlesterimiz bar. Bıylǵy dodada 2020 jylǵy Tokıo Olımpıadasynyń jáne 2019 jylǵy álem chempıonatynyń lısenzııalary sarapqa salynady. Sol sebepti de Alataý bókterine birqatar memleketterden beldi jeńil atletter kelip, aıtýly jarystardyń joldamalary úshin talasýdy qup kórip otyr. Bizdiń eldiń de eń úzdik órenderi Ǵusman Qosanovtyń memorıalynda óner kórsetedi.
Jeńil atletterge qatysty taǵy bir jaǵymdy jańalyǵymyz bar. Kúni keshe Almatyda aıaqtalǵan Qazaqstan kýbogynda úsh qarǵyp sekirý jattyǵýynda baq synaǵan Olga Rypakova 14 metr 37 santımetrlik kórsetkishpen bas júldeni oljalady. Osy nátıjesiniń arqasynda ol Olımpıa oıyndarynyń lısenzııasyna ıelik etti. Osylaısha, qazaqstandyq jeńil atlet óziniń tórtinshi Olımpıadasyna qatysqaly otyr. Osyǵan deıin Rypakova 2008 jyly Beıjińde – kúmis, 2012 jyly Londonda – altyn jáne 2016 jyly Rıo-de-Janeıroda – qola medaldi ıelengen bolatyn.
