Sport • 02 Shilde, 2019

Kásipqoı boks: Gennadıı Golovkın – jetinshi orynda

595 ret
kórsetildi
1 mın
oqý úshin

Keshe AQSh-tyń áıgili Boxingscene.com saıty kásipqoı boksshylardyń jańa reıtıngin (pound-for-pound) jarııalady.

Kásipqoı boks: Gennadıı Golovkın – jetinshi orynda

Orta salmaqta judyryqtasyp júrgen 37 jastaǵy qazaqstandyq bylǵary qolǵap sheberi Gennadıı Golovkın bul kúnderi úzdikter tiziminde jetinshi oryndy qanaǵat tutty.

Al kósh basynda – Terens Kroýford. Jartylaı orta salmaqtaǵy 31 jastaǵy AQSh boksshysy osy kúnge deıin 35 jekpe-jek ótkizip, sonyń barlyǵynda basymdyq tanytty. 26 qarsylasyn ol esinen tandyrdy. Ekinshi jáne úshinshi oryndardy japonııalyq Naoıa Inoýe men ýkraınalyq Vasılıı Lomachenko ıelenýde.

Sondaı-aq «TOP-10» boksshynyń qataryna meksıkalyq Saýl «Kanelo» Alvares, ýkraınalyq Aleksandr Ýsık, amerıkalyq Errol Spens, pýertorıkalyq Hýan Fransısko Estrada, AQSh-tyń taǵy bir myqtysy Maıkı Garsııa jáne taılandtyq Srısaket Sor Rýngvısaı syndy sańlaqtar enip otyr.



Sońǵy jańalyqtar