DNA aqparat agenttiginiń habarlaýynsha Úndistandyq Maharashtra shtatynda dambany jaryp jibergennen keıin kem degende eki adam qaza taýyp, 20-dan astam adam iz-túzsiz joǵalyp ketti.
Oqıǵa eldiń batysyndaǵy Ratnagırı okrýginde oryn aldy. Jarylys kúshi jeti aýylǵa áser etip, 12 úıdi sý shaıyp ketken. Oqıǵa ornynda qutqarýshylar, polısııa jáne eriktiler jumys istep jatyr.
Maýsym aıynyń sońynda Úndistanǵa mýsson maýsymy bastalǵan. Eldiń ortalyq bóliginde jaýyn-shashyn saldarynan kólik qatynasy qıyndap, ǵımarattar qırap jatyr. Qazirgi ýaqytta Maharashtra shtatynda 20-dan astam adam qaza tapty. Sınoptıkterdiń aıtýynsha, nóser taǵy birneshe kún boıy jalǵasady.
