Jıynnyń negizgi maqsaty bozbalalardy elimizdiń Qarýly Kúshter qataryndaǵy áskerı qyzmetke daıyndaý, bastapqy áskerı daıyndyq boıynsha sabaqtarda alǵan teorııalyq bilimderin bekitý, jasóspirimderdiń áskerı qyzmetke jyldam beıimdelýi úshin qajet praktıkalyq mashyqtyqty jınaqtaý boldy.
Atalmysh jıyndy uıymdastyrý maqsatynda, «Batys» óńirlik qolbasshylyǵynyń tájirıbeli ofıserleri men nusqaýshy-serjanttary jumyldyryldy. Olar oqý vzvodtarynyń jetekshileri bolyp taǵaıyndalyp, qysqa ýaqyt aralyǵynda áskerı tártip pen uqyptylyqqa beıimdeýge bar yntalaryn jumsady.
Jıynǵa barlyǵy 10000-ǵa jýyq oqýshylar men stýdentter tartyldy. Dalalyq sabaqtar barysynda oqýshylar áskerı qyzmettiń ereksheligi jáne áskerı qyzmetshilerdiń mindetterimen tanysyp, taktıkalyq daıyndyqtyń, jergilikti jerde baǵdarlaý tásilderiniń, saptyq daıyndyq negizderiniń, qarýdy jınap-shashýdyń, oq atýdyń amaldary men qaǵıdalarynyń qyr-syryn zerdeledi. Sondaı-aq, áskerı ánderdi oryndaı otyryp, áskerı-saptyq kórsetpeli kórsetilimderge belsene qatysty.
Is-shara qorytyndysy boıynsha ózderiniń sheberlikteri, úılesimdilikteri, keremet daıyndyqtarymen kózge túsken oqýshylar gramotalar jáne alǵys hattarmen marapattaldy.
