Kezdesý barysynda Energetıka mınıstrligi, QMG jáne «Enı Isataı B.V.» arasynda Kaspıı teńiziniń qazaqstandyq sektoryndaǵy «Abaı» teńiz ýchaskesin birlesip ıgerý sheńberinde kómirsýtekterdi barlaý men óndirý quqyǵyn berý boıynsha tikeleı kelissózder hattamasyna qol qoıyldy.
Kelissózderdiń nátıjesi boıynsha taraptar Qazaqstan paıdasyna qol qoıý bonýsyn tóleý (jer qoınaýyn paıdalanýshynyń kelisimshart jasalatyn aýmaqta jer qoınaýyn paıdalaný jónindegi qyzmetti júzege asyrý quqyǵy úshin birjolǵy tirkelgen tólem – QR Salyq kodeksi) jáne jer qoınaýyn paıdalanýshynyń jergilikti qamtý úlesi boıynsha mindettemeleri týraly kelisti.
Yntymaqtastyqtyń kelesi kezeńi «Abaı» ýchaskesinde kómirsýtek shıkizatyn barlaý jáne óndirý jumystaryna kelisimshart jasasý bolady.
Eske sala keteıik, 2019 jylǵy naýryz aıynda QMG jáne Enı kompanııasy «Abaı» ýchaskesi jónindegi jobany birlesip iske asyrý sheńberinde Birlesken qyzmet týraly kelisimge jáne Qarjylandyrý týraly kelisimge qol qoıǵan bolatyn.
