Tusaýkeser kezdesýde ıspandyq Pablo Andýharǵa san soqtyryp ketken jerlesimiz ekinshi aınalymda Djon Iznermen kezdesti. Birden aıta keteıik, bul básekeniń favorıti amerıkalyq tennısshi edi. Sebebi, 34 jastaǵy Djon byltyr dál osy týrnır jáne AQSh-tyń ashyq birinshiliginde jartylaı fınalǵa deıin jetti. ATR týrnırlerinde 14 ret top jarǵan ol qazirgi kezde álemdik reıtıngte 12 oryndy ıelenýde. Onyń ústine, qos oıynshy osyǵan deıin tórt márte kezdesip, barlyǵynda Iznerdiń mereıi ústem boldy. Desek te sol keshte kortta keremet oıyn órnegin kórsetken Kýkýshkın 6:4, 6:7, 4:6, 6:1, 6:4 esebimen jeńiske jetti. Bul kezdesý 3 saǵat 8 mınýtqa sozyldy.
Úshinshi kezeńde Mıhaıl Kýkýshkın Iаn-Lennard Shtrýffpen sheberlik baıqasady. 29 jastaǵy nemis tennısshisi ATR tiziminde 33 satyda tur. Bıyl ol Rolan Garrostyń tórtinshi aınalymynda kúsh synasty. Osyǵan deıin aıtýly oıynshylar arasynda ótken úsh básekeniń úsheýinde de Shtrýff basym tústi. Mine, endi ese qaıtaratyn kez keldi.
