Sporttyq is-sharalar «Batys» óńirlik qolbasshylyǵynyń barlyq áskerı bólimderinde ótýde. 6-7 shilde kúnderi aralyǵynda fýtboldan, kir tastaryn kóterý, qol tires jáne otbasylyq saıystar uıymdastyrylady.
Garnızonnyń merekelik is-sharalaryna Qorǵanys mınıstrliginiń áskerı bólimderi men mekemelerimen qatar, UQK Shekera áskerleri men QR IIM Ulttyq ulan jaýyngerleri qatysýda.
Merekelik is sharalar qarsanynda áskerı bólimderde Astana kúnine oraı saltanatty sapqa turýlar men merekelik konsertter ótkizildi.
-Búgingi kúni, Elordamyz álemdik qaýymdastyqtyń aldynda beıbitshilikke erekshe umtylys tanytqan qala, ulttar men konfessııa ókilderi kelissóz júrgizetin alań retinde tanylyp keledi. Sol sebepti, Nur-Sultan – árbir azamattyń, árbir jaýyngerdiń boıynda erekshe maqtanysh sezimin týǵyzady, dedi «Batys» óńirlik qolbasshylyǵynyń áskerleri qolbasshysy Nurlan Aldııarov áskerı qyzmetshilerdi quttyqtaýynda.
Garnızondarda ótkizilgen otbasylyq konkýrstar aıaqtalyp, onyń nátıjesi boıynsha erekshelengen áskerı qyzmetshiler men olardyń otbasylary gramotalar jáne syılyqtarmen marapattaldy.
Mańǵystaý oblysy
