Aımaqtar • 06 Shilde, 2019

Kóne Taraz kúmbiri

302 ret kórsetildi

Qazaqstan Respýblıkasynyń Tuńǵysh Prezıdenti Nursultan Nazarbaevtyń Jarlyǵymen shilde aıynyń alǵashqy jeksenbisi Ulttyq dombyra kúni retinde belgilengen bolatyn. Osyǵan oraı, Jambyl oblysynyń 80 jyldyq mereıtoıy aıasynda oblystyq mádenıet, arhıvter jáne qujattama basqarmasynyń uıymdastyrýymen «Balasaǵun» ortalyq konsert zalynda «Kóne Taraz kúmbiri» atty I Respýblıkalyq etno-folklorlyq ansamblder konkýrsy ótti.

Atalǵan sharaǵa aýyldyq eldi-mekenderdegi ónerpaz jastar iriktelip alynyp, konkýrstyń oblystyq kezeńine aýdandardan on ansambl qatysty. Sonymen qatar, Kenen Ázirbaev atyndaǵy Jambyl oblystyq fılarmonııasynyń mýzykanttary Muhtarbaı Rahmanqulov, Dastan Kóregen, Dıdar Basyqaraev jáne Adaı Jumat oblystyq konkýrsta laýreat atanǵan 5 ansambldi respýblıkalyq kezeńge daıyndap, sheberlik saǵattaryn ótkizdi.

Al, respýblıkalyq konkýrstyń baspasóz konferensııasyna Qazaqstannyń Eńbek sińirgen qaıratkeri, Qazaq ulttyq óner ýnıversıtetiniń professory Dáýren Ǵylymov, Qazaq ulttyq óner ýnıversıtetiniń «Qorqyt ata» atyndaǵy ǵylymı-zertteý ınstıtýtynyń qyzmetkeri, Qazaqstannyń Eńbek sińirgen qaıratkeri, qobyzshy Álqýat Qazaqbaev, kúıshi, kompozıtor, Qazaqstannyń Eńbek sińirgen qaıratkeri Ermurat Úsenov, kúıshi-kompozıtor, Qazaqstannyń eńbek sińirgen qaıratkeri Ábdimomyn Jeldibaev qatysty. Respýblıkalyq óner dodasynda elimizdiń ár qıyrynan kelgen 16 ansambl baq synasty. Konkýrsqa 17 kúı usynylyp, «Kóne taraz kúmbiri» atty partıtýralar jınaǵynyń tusaýyn qazylar alqasynyń tóraǵasy, kúıshi-kompozıtor Ábdimomyn Jeldibaev pen kúıshi, kompozıtor Ermurat Úsenov kesti. Konkýrstyń saltanatty ashylýy teatrlandyrylǵan qoıylymmen bastaldy. Qoıylymda Yqylas, Jambyl, Kenen jáne Nurǵısa syndy uly tulǵalardyń beıneleri somdaldy. Sonymen qatar, kópshilik nazaryna «Tarazdan tartý» atty bı kompozısııasy usynyldy. О́z kezeginde Jambyl oblysy ákiminiń orynbasary Sulýshash Qurmanbekova konkýrsqa qatysqan ujymdarǵa quttyqtaý tilegin joldasa, qazylar alqasynyń tóraǵasy Ábdimomyn Jeldibaev olarǵa shyǵarmashylyq tabys tiledi.

  Nátıjesinde Bas júldeni Almaty oblysynan kelgen «Sazgen» folklorly-etnografııalyq ansambli jeńip alsa, I oryndy Nur-Sultan qalasnan «Qorqyt» dástúrli saz toby ıelendi. Sonymen qatar, II oryn Kókshetaý qalasynan «Aınakól» folklorlyq ansambline, Shymkent qalasynan «Tumar» folklorlyq ansambline tabystalsa, III oryn Aqmola oblysynan «Oqjetpes» folklorlyq ansambline, Taraz qalasynan «Taraz ǵasyr» folklorlyq ansambline berildi. Al, Yqylas Dúkenuly atyndaǵy júldeni Qyzylorda oblysynan «Jiger» etnıkalyq toby, Jambyl Jabaev atyndaǵy júldeni Shyǵys Qazaqstan oblysynan «Sulý saz» halyqtyq án-bı ansambli, Kenen Ázirbaev atyndaǵy júldeni Kenen Ázirbaev atyndaǵy Jambyl oblystyq fılarmonııasynyń «Alataý» folklorlyq ansambli, Ábdimomyn Jeldibaev atyndaǵy júldeni Jambyl oblysynyń Shý aýdanynan «Ásem áýen» folklorlyq ansambli, Sadyhan Áýbákirov atyndaǵy júldeni Jambyl oblysynyń Baızaq aýdanynan «Sholpan» halyqtyq án-bı ansambli Altynbek Qorazbaev atyndaǵy júldeni Merki aýdanynan «Merki áýenderi» halyqtyq án-bı ansambli ıelendi. Sonymen qatar, birqatar júldegerlerge «Úzdik shyǵarma», «Kóne Taraz kúmbiri», «Jambyl oblysy ákimdiginiń mádenıet, arhıvter jáne qujattama basqarmasynyń» arnaıy júldesi jáne «Kenen Ázirbaev atyndaǵy Jambyl oblystyq fılarmonııasynyń» arnaıy júldesi tabys etildi. Jeńimpazdar men júldegerlerge arnaıy laýreat belgisi men aqshalaı syılyqtar berildi.

  Atalǵan is-shara aıasynda bes júzge tarta óner sheberleri men qala jastarynyń qatysýymen ulttyq dombyra kúnine arnalǵan «Dombyra – halyq murasy» atty dombyra party uıymdastyryldy. Munda oblystyq fılarmonııaǵa qarasty qazaq ult aspaptar orkestriniń bas dırıjeri, Halyqaralyq konkýrstardyń laýreaty Adaı Jumat pen Qazaqstannyń Eńbek sińirgen qaıratkeri Muhtar Rahmanqulovtyń dırıjerlik etýimen Túrkeshtiń «Kóńilashar» kúıi, QR Mádenıet qaıratkeri Aman Moldybaevtyń bastamasymen «Kóne Taraz» kúıi, kúıshi-kompozıtor Ábdimomyn Jeldibaevpen birlese «Erke sylqym» kúıi jáne de Qurmanǵazy Saǵyrbaıulynyń «Balbyraýyn» jáne «Saryarqa» kúıleri oryndaldy. Konkýrstyń gala konsertinde oblystyq fılarmonııanyń dástúrli ánshileri men jeńimpaz atanǵan ansamblder óner kórsetip, mádenı shara Sadyq Kárimbaevtyń «Jambyl jastar valsi» ánimen aıaqtaldy.


Jambyl oblysy

Sońǵy jańalyqtar

6 shildege arnalǵan aýa raıy boljamy

Aýa raıy • Búgin, 09:43

Shabyt shaqyratyn shahar

Elorda • Búgin, 08:23

Aqjaınaq astana

Elorda • Búgin, 08:22

Ozyq óndiris ornynda boldy

Aımaqtar • Búgin, 08:20

Ult saýlyǵyn ulyqtaǵan megapolıs

Elorda • Búgin, 08:18

Baǵdaryń qalaı, bas qala?

Elorda • Búgin, 08:17

«Astana Operamen» dos bolaıyq

Teatr • Búgin, 08:15

Dımash pen Djekson

О́ner • Búgin, 08:10

Utqanymyz shamaly bolyp tur

Qoǵam • Búgin, 08:05

Irikteýdiń ekinshi kezeńine ótti

Sport • Búgin, 08:02

Egizder festıvali

Qoǵam • Búgin, 08:00

Elordanyń damý dańǵyly

Elorda • Keshe

«Nur-Sultan kitaphanasy»

Elorda • Keshe

Qattalǵan tarıh qazynasy

Elorda • Keshe

Ahańnyń adaldyǵy

Ahmet Baıtursynuly • Keshe

Qaraly kezeń kartınasy

Qazaqstan • Keshe

Parıjge syımaǵan Pol

О́ner • Keshe

Qarttar úıindegi vals

Qoǵam • Keshe

Uqsas jańalyqtar