Dombyranyń mártebesin memlekettik deńgeıde dáripteý degen – bul tutas ulttyń rýhyn kóterýmen para-par erlik dep bilemin. Mine, Elbasy Nursultan Nazarbaevtyń osy kóregen saıasatynyń arqasynda ult aspaby jalpyhalyqtyq deńgeıde ulyqtalyp otyr. О́te qýanyshtymyz. О́ıtkeni qazaq qýanyshyn da, qaıǵysyn da dombyranyń qos shegi men shanaǵyna syıdyryp, janyna jubanysh tapqan. Dombyranyń pernesinde ultymyzdyń bar tarıhy men taýqymeti, jalpy dáýir úni saırap jatyr. Iá, dombyra – bizdiń tarıhymyz, keshegimiz ǵana emes, erteńimiz, bolashaǵymyz. Al keleshegimiz baıandy bolýy úshin qazirden bastap balalardy dombyra tartý mádenıetine baýlýymyz kerek. О́skeleń urpaq dombyranyń mártebesin, mán-maǵynasyn tereń túsinip, qadiri men kıesin jete uǵynyp ósýi qajet. Baıaǵyda, ózderińiz bilesizder, ár úıdiń tórinde dombyra ilýli turatyn. Eki qazaqtyń biri dombyra shertetin. Mine, qazir de biz sol deńgeıge jetýge umtylýymyz qajet. Sonda erteńimiz aıqyn, bolashaǵymyz jarqyn bolmaq. Ulttyq dombyra kúni osyǵan sózsiz septesedi dep senemin.
Aıtqalı JAIYMOV,
Qazaqstannyń eńbek sińirgen qaıratkeri, kúıshi-dırıjer
