Zań • Búgin, 11:37

Elimizde jalaqysyn ala almaı júrgen azamattarǵa 253 mln teńge tólendi

20 ret

kórsetildi

1 mın

oqý úshin

Osy jyldyń 1 naýryzyndaǵy jaǵdaı boıynsha memlekettik eńbek ınspektorlary respýblıkanyń 102 kásiporny 408 jumyskerge 284 mln teńgege jalaqy boıynsha bereshek ekenin anyqtady. Sondaı-aq túrli uıymdarda júrgizilgen tekserýler barysynda 1 myńnan astam eńbek quqyǵynyń buzylý faktisin anyqtady, dep jazady Egemen.kz.

Dana MYRZAQADIR

Elimizde jalaqysyn ala almaı júrgen azamattarǵa 253 mln teńge tólendi

Foto: gov.kz

Jalaqy boıynsha bereshegi jáne eńbek quqyǵynyń buzylýy anyqtalǵan kásiporyndardyń basshylaryna oryndaýǵa mindetti 707 uıǵarym berilip, 89 mln teńgeden astam somaǵa aıyppul salyndy.

Qabyldanǵan sharalardyń, onyń ishinde jalaqy boıynsha bereshekti óteýdiń qatań kesteleri men merzimderin belgileýdiń nátıjesinde 354 jumyskerdiń quqy qorǵaldy. Olarǵa 253 mln teńge tólendi.

Jumysshylardyń eńbek quqyǵyn qorǵaý talaby kúsheıtiledi

Eńbek jáne halyqty áleýmettik qorǵaý mınıstrliginiń málimetinshe, memlekettik eńbek ınspektorlar jyl basynan 1 naýryzǵa deıin 1 125 tekserý júrgizgen. Tekserý nátıjesinde 1 228 buzýshylyq, eńbek salasynda – 1055, eńbek qaýipsizdigi jáne eńbekti qorǵaý boıynsha – 161, halyqty jumyspen qamtý boıynsha – 12 quqyq buzýshylyq anyqtalǵan.