Mýzyka ındýstrııasyndaǵy jańa beles

Nur-Sultan qalasy ákimdiginiń qoldaýymen ótken Eurasia Music Hub konferensııasynyń bas menedjeri – Raýshan Jumanııa­zova. Onyń aıtýynsha, basty maqsat – Eýropa men Azııanyń túrli elderinen kelgen álemdik mýzyka festıvaldarynyń je­tek­shi dırektorlary arasynda bilim men praktıkalyq daǵ­dylardy almasý úshin kásibı platfor­ma qurý. Ońtústik Koreıa, Marok­ko, Germanııa, Slovenııa, Esto­nııa, Polsha men Fransııa, Qyr­ǵyzstan, О́zbekstannan kelgen mýzyka ındýstrııasynyń delegattary men spıkerleri mýzyka naryǵynyń áleýeti men keleshek damýyn jeke tájirıbelerimen baılanystyra otyryp, ózara pikir almasty. 

Seoul Music Week shoý­keıs festıvaliniń dırektory jáne Ulsan Jazz Festival shara­synyń negizin qalaýshy, dırek­tory Iýng Hýn Lı mýzyka ın­dýstrııasyndaǵy tendensııa­lar men ınnovasııalardy da­my­týǵa arnalǵan kóptegen ha­­lyq­aralyq tájirıbelerdi mysalǵa keltirdi. Halyqaralyq festıvaldardy uıymdastyrýda tabysty eńbek etip júrgen maman plenarlyq sessııada «GloMMnet jáne halyqaralyq shoýkeıs fes­tıvaldardy uıymdastyrý» taqyrybynda oı bólisti. 

Qazir Seoul Music Week shoý­keıs festıvali Koreıadaǵy eń iri art-alań bolyp sanalady. Bıylǵy shoýǵa óz elimizdiń ártis­teri men shet memleketterden kelgen 23 óner juldyzy, 30-ǵa jýyq delegat qatysty. Shoýkeıs ótkizýde ózara tájirıbe almasý, jańa kelisim qurý óte mańyzdy, – deıdi Iýng Hýn Lı. 

Al Marokko Mádenıet já­ne kommýnıkasııalar mınıs­trliginiń halyqaralyq serik­tes­tik bóliminiń jetekshisi Fa­­tıma Aıt Mhand Marokko máde­nıetin aıshyqtaıtyn Mawazine festıvaliniń tabys­ty jetistikteri týraly aıta ke­­lip, qazaqstandyq tarapty Ra­bat­taǵy dástúrli merekelik shoý­ǵa atsalysýǵa shaqyrdy. 

Jıynǵa qatysýshy Lıýblıana qalasyndaǵy Kankaev dom mádenı ortalyǵynyń dırektory Bogdan Bengıar (Slovenııa), Music Estonia halyqaralyq jobalarynyń jetekshisi Mar­tıına Pýtnık (Estonııa), Urkult Festival dırektory Ken Deı (Shve­sııa) syndy prodıýserler halyqaralyq naryqqa kirý jáne qarjylandyrýdy jeńildetý, mádenıet ekojúıesinde jergilikti jáne aımaqtyq naryqta qolaıly jaǵdaılar jasaý, mádenı jobalardy halyqaralyq konsert alańdarynda tanymal etý týrasynda keńeıtilgen baıandamalar jasady. Budan bólek 17 jyldyq tájirıbesi bar mýzyka agenti Iýlıana Voloj naqty nusqaýlyqtardan qurylǵan «Álemdik mýzyka álemi jáne ony baǵyndyrý joldary» atty dáris oqydy. 

Sondaı-aq aımaqtardan kelgen mýzykalyq ujym 25 mı­nýttyq arnaıy baǵdarlama aıasynda Ortalyq Azııa úshin jańa format shoýkeıster serııasyn kórermen nazaryna usynyp, etnostyq mýzyka janrynyń jańa býyndary rok ekspressııasyn djaz ben jeńil pop-mýzykamen tamasha úılestire bildi. Ekonomıkalyq jáne strategııalyq múddelerdi toǵystyratyn halyqaralyq zamanaýı platforma mýzyka ındýstrııasyna jańa qarqyn, ortaq jobalar syılary anyq.