Aýdan ákimi B.Torǵaevqa ekologııalyq menedjmentti jaqsartý, apatty aǵashtardy joıyp, jasyl jelekterdi qorǵaý boıynsha jumystar júrgizý jumystaryn tapsyrdy. Aýlalardy kúrdeli jóndeýden ótkizý, gazben qamtýdy damytý, obektilerdi, sonyń ishinde eń aldymen mektepter men bala baqshaldardy seısmıkalyq kúsheıtý qajettiligimen qatar tozǵan jelilerdi jóndep, jeke úılerdi ortalyqtandyrylǵan káriz júıesine qosý boıynsha keshendi jumystar qolǵa alynýy tıis.
Osy jumys sapary barysynda Baqytjan Saǵyntaev «Almaty Tazalyqtyń» jumysymen jáne jańa óndiristik bazanyń qurylysymen tanysty. Qalany barynsha taza ustaý, qoqysty der kezinde jınaý, aryqtar men jaýyn kárizderin tazartý jáne aldaǵy qysqy maýsymǵa daıyndaý jaýakershiligine jaýapty mekemeni jańartýda jyly garajdar, tuz eritkish toraptar, qum-tuz qoımasy jáne kólik jýatyn oryndar bolady.
Budan ózge, Almaty ákimi ótpeli joldardyń qaýipsizdigi men joldardaǵy JKO oqıǵalary máselelerin qarady. Ákim rettelmegen ótpeli joldardy abattandyrýdy jáne olardy jaryqtandyrýdy mindettedi.
Qala basshysy «Qala adamdar úshin» konsepsııasy aıasynda Jibek joly kóshesin modernızasııalaýǵa qatysty júrip jatqan qurylys jumystarynyń da qarqynyn tekserdi. Baǵdarshammen retteýdiń, vıdeobaqylaý júıesin damytýdyń tıimdiligi sóz boldy. B.Saǵyntaev joldarda ólim men jaraqat alýdy azaıtý jónindegi «Vision Zero Almaty» Baǵdarlamasy aıasynda jol ınfraqurylymyn rekonstrýksııalaýdy tekserdi. Baǵdarlama jol qaýipsizdigin arttyrýǵa baǵyttalǵan jáne jol-kólik oqıǵasy kezinde ólim-jitimdi azaıtýdyń oń sharalaryn usynady. Josparda jolǵa, kóshege, jol belgilerine jol qozǵalysyna qatysýshylardy beıimdeý men qoǵamdyq kólik qaýipsizdigin kúsheıtý basty nazarǵa alynǵan. Qalany damytý barysynda jaıaý júrginshiler men júrgizýshilerdiń ortaq múddesin qalyptastyrý óte mańyzdy.
Qala basshysy sonymen qatar 1985 jyly irgesi qalanǵan Tóle bı kóshesi boıyndaǵy jylý magıstralin modernızasııalaýdyń barysyn teskerip, «AlmatySpesTehParkıngtiń» jumysymen tanysty. Jobada álemniń iri qalalarynyń tájirıbeleri negizinde avtokólik turaqtaryn retke keltirý úshin aqyly turaqtar jelisin qalyptastyrý, qala aýmaǵyn tıimdi paıdalaný jáne turǵyndar úshin jaıly orta jasaý qarastyrylǵan. Qazirgi kezde qalada 5909 turaq oryndary bar, olardyń 186 – múgedek jandardiki. Turaqtar keńistigi quramyna turaqtar, qozǵalystardy uıymdastyrý, qoǵamdyq kólik pen avtomobılderdi evakýasııalaý qyzmeti engen ortalyqtandyrylǵan biryńǵaı júıe arqyly basqarylady.
Kólik jáne jol ınfraqurylym máselesine de nazardan tys qaldyrmaǵan qala basshysy shet aýdandaryndaǵy jolaýshy tasymalyna kóńil bóldi. Qala qarqyndy damýy úshin jastardyń belsendigi qajet dep atap ótken qala ákimi jastardy birlese jumys isteýge shaqyrdy.
ALMATY
