«Ortalyq» óńirlik qolbasshylyǵynyń tárbıe jáne áleýmettik-quqyqtyq jumystar (TjÁQJ) basqarmasynyń josparyna jáne «Rýhanı jańǵyrý» baǵdarlamasy negizinde memlekettik tildiń qoldanylý aıasyn keńeıtý maqsatynda ózge etnos ókilderi qyzmetkerleriniń arasynda «Memlekettik til – meniń tilim» atty baıqaý ótkizildi.
Eki kúnge sozylǵan baıqaýǵa Ulttyq ulannyń «Ortalyq» óńirlik qolbasshylyǵyna qarasty 6 áskerı bóliminen 6 áskerı qyzmetshi qatysty. Baıqaý aıasynda qatysýshylar memlekettik tildiń mańyzdylyǵyna toqtala otyryp, qazaq tilinde sóz saptap, oılaryn kópshilikke jetkize bildi, qazaqtyń ǵulamalary men batyrlary jaıynda sahnalyq qoıylym kórsetti.
Qazylar alqasy qatysýshylardyń tildi múmkindiginshe erkin meńgergendigine, til baılyǵyna, til mádenıetine, daýys mánerine, sahnada ózin ózi ustaý mádenıetine, kıim kııý úlgilerine basa mán berdi. Sonymen, qazylar alqasynyń sheshimimen birinshi oryn Qaraǵandy qalasyndaǵy 5451 áskerı bóliminiń 1 jedel maqsattaǵy batalony jaýyngerlik qamtamasyz etý vzvodynyń aǵa mamany (top bastyǵy), aǵa serjant Evgenıı Berdnıkovke berildi. Saıys jeńimpazy men júldegerlerine «Ortalyq» óńirlik qolbasshylyǵy qolbasshysynyń arnaıy dıplomdary jáne baǵaly syılyqtar tabystaldy.
Oqý-ádistemelik jıynynyń jalǵasy Qostanaı oblysy ákimdiginiń «Til daryn» oqý ortalyǵynda jalǵasty. О́ńirden kelgen til mamandary «KazTest» júıesi boıynsha, «Latyn álipbıiniń emlesi» taqyrybynda jáne ádistemelik sabaqtar ótkizdi. Ádistemelik sabaqty ótkizý barysynda jaqsy nátıje kórsetkeni úshin 6505 áskerı bóliminiń TjÁQJ bólimshe bastyǵynyń aǵa kómekshisi, maıor Shynar Aıtkenova úzdik dep tanylyp, «Ortalyq» óńirlik qolbasshylyǵy qolbasshysynyń buıryǵymen «Úzdik maman» ataǵyna ıe boldy ári dıplom jáne baǵaly syılyqpen marapattaldy.
Muratbek QUDAIBERGENOV,
maıor, 6697 áskerı bólimi TjÁQJ bólimshe bastyǵynyń aǵa kómekshisi
