Yntymaqtastyqty jandandyrýǵa nıetti

Konferensııada EO-nyń Or­talyq Azııa boıynsha jańa stra­tegııasynyń resmı tusaýkeseri boldy. Jıyn barysynda Qa­zaq­stan Syrtqy ister mınıstri B.Atamqulov Strategııa mátinine shaǵyn jáne orta bıznesti, kólik-logıstıkalyq ınfraqurylymdy, energııa tıimdiligin, qorshaǵan ortany qorǵaý, klımattyń óz­ge­rýine qarsy kúres, sý resýrs­taryn tıim­di paıdalaný, bilim berý, sıfr­landyrý boıynsha jáne t.b. qa­zaqstandyq usynystardy engizýdi quptady.

Kezdesýde Qazaqstandyq delegasııa óńirlik jobalardy qarjylandyrý úshin EO In­ves­tısııalyq tetiginiń (IFCA) áleýe­tin jáne Eýropalyq ınvestı­sııalyq banktiń (EIB) múmkin­dik­terin iske qosýdy usyndy. 

Taraptar óńirlik qaýipsizdik máse­lelerine, sonyń ishinde Eýro­palyq odaqpen birlesken sheka­ralardy basqarýǵa járdem­desý baǵdarlamasyn (BOMCA), esirtki jónindegi is-qı­myl baǵdarlamasyn (CADAP) jal­ǵas­tyrýǵa jáne keńeıtýge, sondaı-aq Or­talyq Azııa óńirlik aqparattyq úı­lestirý ortalyǵy jelisi bo­ıynsha yntymaqtastyqty jandan­dyrýǵa nazar aýdardy. Is-shara­nyń sońynda Syrtqy ister mı­nıs­trleri jáne EO Joǵarǵy ókili «EO jáne Ortalyq Azııa: Kúsh­ti se­riktestikti birge qura oty­ryp» atty qorytyndy kommıý­nıke qabyldady. Onda EO-nyń Orta­lyq Azııa elderiniń ult­tyq kúsh­terin qoldaýǵa, óńir­diń álemdik saýda júıesine tabys­ty kirigýine jáne óńirishilik ynty­maq­tastyqty ilgeriletý úshin óz ar­senalyndaǵy barlyq qural­dardy iske qosýǵa nıetti ekeni aı­tylǵan.