Shildeniń 10-y kúni «Saýda-ekonomıkalyq, ǵylymı-tehnıkalyq jáne mádenı yntymaqtastyqtyń qaǵıdattary týraly» úkimetaralyq kelisimniń sheńberinde «Samuryq-Qazyna» AQ Basqarma tóraǵasy Ahmetjan Esimov pen Alık Aıdarbaev Tatarstan Respýblıkasynyń Prezıdenti Rýstam Mınnıhanovpen kezdesti. Kezdesý barysynda taraptar munaı-gaz salasynda yntymaqtastyqtyń jańa kezeńin bastaýǵa ynta bildirdi. Atap aıtqanda, geologııalyq barlaý jumystary, munaı jáne gaz hımııasy, tehnıkalyq yntymaqtastyq jáne sıfrlandyrý máseleleri boıynsha Tatarstan Respýblıkasynyń kásiporyndary men QMG arasyndaǵy ózara is-qımyl múmkindikteri talqylandy.
Sol kúni «QazMunaıGaz» UK AQ jáne «Tatneft» JAQ arasynda О́zara túsinistik týraly memorandýmǵa qol qoıyldy. Qujatta Qazaqstan men Reseı aýmaǵynda geologııalyq zertteý jáne birlesken geologııalyq barlaý jumystaryn júrgizý; munaı óndirýdiń jańa tehnologııalaryn engizý jáne óndiristi sıfrlandyrý boıynsha tájirıbe almasý salasyndaǵy yntymaqtastyqtyń boljamdy baǵyttary aıqyndalǵan.
-Memorandýmǵa qol qoıý arqyly biz birlesken dańǵyl joldyń jańa kezeńine jol ashatynymyzǵa senimdimin. Munaı-gazy bar Kaspıı mańy oıpatyn ıgerý máselesi iri halyqaralyq munaı kompanııalary úshin úlken qyzyǵýshylyq týdyryp otyr. Reseıdiń, sonyń ishinde Tatarstannyń kompanııalary osy proseske belsendi qatysa alady, dep QMG basshysy Alık Aıdarbaev Tatneft jáne QazMunaıGaz kompanııalaryn tehnıkalyq aqparatpen almasý jáne mamandar oqytý salasynda uzaq jylǵy berik qarym-qatynastar baılanystyratynyn atap aıtty.
Taraptar Qazan qalasyndaǵy kezdesý munaı-gaz salasynyń qazirgi syn-tegeýirinderin talqylaýǵa arnalǵan alań ǵana emes, sondaı-aq yntymaqtastyqtyń jańa ári ózara tıimdi baǵyttaryn anyqtaýdyń keremet múmkindigi ekenin atap ótti. Qatysýshylar kezdesý Qazaqstan men Tatarstannyń jetekshi munaı-gaz kompanııalary arasyndaǵy seriktestik qatynastardyń nyǵaıýyna óz septigin tıgizetinine senim bildirdi.
Mańǵystaý oblysy
