Kezekten tys konferensııaǵa 245 delegat saılandy. Al kún tártibinde «Nur Otan» partııasy Mańǵystaý oblystyq fılıalynyń tóraǵasyn saılaý, «Nur Otan» partııasy Mańǵystaý oblystyq fılıaly Saıası keńesiniń quramyna ózgerister engizý jáne partııa aldyndaǵy mindetter syndy úsh másele qaraldy.
Basqosýda sóz alǵan «Nur Otan» partııasy Tóraǵasynyń Birinshi orynbasary Baýyrjan Baıbek Partııa Tóraǵasy, Elimizdiń Tuńǵysh Prezıdenti Nursultan Nazarbaevtyń bergen birqatar tapsyrmalarynyń oryndalysyna aıryqsha nazar aýdarý qajettigin aıtyp, partııanyń bastamasymen júzege asyrylyp jatqan jobalardyń ýaqtyly ári sapaly oryndalýyna basa mán berýge shaqyrdy. Sonymen qatar, konferensııa barysynda «Nur Otan» partııasy Mańǵystaý oblystyq fılıalynyń jańa tóraǵasy bolyp oblys ákimi Serikbaı Trumov saılandy. Tóraǵa kýáligin Serikbaı О́telgenulyna Baýyrjan Baıbek tapsyrdy.
Sondaı-aq, partııanyń Mańǵystaý oblystyq fılıaly Saıası keńesiniń quramyna ózgerister engizildi. Iаǵnı, buǵan deıin partııa músheliginde bolǵan Eraly Toǵjanov, Sholpan Ilmýhanbetova, Asqar Rzahanov jáne Qalnııaz Ońdabaev partııanyń Saıası keńesiniń quramynan shyǵaryldy. Olardyń ornyna «Nur Otan» partııasy Mańǵystaý oblystyq fılıaly tóraǵasynyń birinshi orynbasary Elýbaı Ábilov, «Yessenov Univercity» rektory, partııanyń oblystyq fılıaly janyndaǵy «Joǵary tehnologııalardy damytý» komıssııasynyń múshesi Berik Ahmetov, «Qarajanbasmunaı» aksıonerlik qoǵamynyń birinshi vıse-prezıdenti Súıindik Aldashev, «Tulparmunaıservıs» jaýapkershiligi shekteýli seriktestiginiń sheberi, «Jasyl el» eńbek jasaǵy Mańǵystaý oblystyq fılıalynyń dırektory Sáken Myńbaev partııanyń Saıası keńesiniń quramyna qabyldandy.
Mańǵystaý oblysy
