• 11 Shilde, 2019

MSQ jyl basynan beri halyqqa tegin qyzmet kórsetken medısına uıymdaryna 487 mrd teńge tóledi

372 ret

kórsetildi

1 mın

oqý úshin

«Áleýmettik medısınalyq saqtandyrý qory» KEAQ jyl basynan beri memlekettik tapsyrys boıynsha kórsetilgen qyzmetter úshin 487 mlrd teńge tóledi. Qarjy kepildendirilgen tegin medısınalyq kómek paketi (TMKKK) sheńberinde bólindi.

Álı BITО́RE

MSQ jyl basynan beri halyqqa tegin qyzmet kórsetken medısına uıymdaryna 487 mrd teńge tóledi

«2019 jyly 11 shildedegi málimetter boıynsha, Qormen kelisimshart bekitken jetkizýshi kompanııalarǵa 487 mlrd teńge tólendi. Bul kepildendirilgen medısınalyq kómek paketi sheńberinde bekitilgen kelisimsharttardyń jalpy somasynyń 54,8 prosenti», dedi MSQ basqarma tóraǵasynyń orynbasary Botagóz Jaqselekova.

2019 jyly MSQ kepildendirilgen kómek túrlerin kórsetýge qulshynys bildirgen medısına uıymdarymen 889 mlrd teńgeniń kelisimshartyn bekitken bolatyn. Bul ótken jyly bólingen qarjydan 6 prosent artyq.

«Jumys kestege saı júrip jatyr. Bólingen qarajat medısına mekemeleriniń operasııalyq shyǵyndaryn óteýge jetkilikti», - dedi Botagóz Jaqselekova.

Bıyl memlekettik tapsyrysty oryndaýǵa 1416 medısına uıymy atsalysyp jatyr. Onyń ishinde 708 jeke menshik klınıka da bar. Bıyl olardyń sany 2018 jylmen salystyrǵanda 64-ke artqan.

Memleketten tapsyrys alǵan jeke menshik klınıkalar sany jaǵynan Shymkent, Nur-Sultan, Almaty qalalary men Qyzylorda jáne Jambyl oblystary kósh bastap tur.

Esterińizge sala ketsek, MSQ 2018 jyldan bastap TMKKK jáne mindetti áleýmettik medısınalyq saqtandyrý (MÁMS) paketteriniń qarjylyq operatory bolyp tabylady jáne halyqqa kórsetiletin medısınalyq qyzmetterdi QR Úkimeti bekitken tártip boıynsha satyp alady.