Semeıdegi «Prıırtyshe» ólketaný qoǵamynyń tóraǵasy Marat Sasanov bylaı dep túsindiredi: -О́zderińiz bilesizder, bizdiń ólketaný qoǵamynyń músheleri Shyǵys qazaqstannyń, Semeıdiń tarıhyn jete zertteýmen aınalysyp keledi. Men bul aınany Semeı qalasynyń janynan, shamamen 20 shaqyrym jerden taptym. Aınanyń ortasy tesilgen bolyp shyqty. Tipti, aınany jerlengen jerden alynǵan degen nusqa da bar. Sıqyrly aınany qabirge salmas buryn, eshkim paıdalanbasy úshin arnaıy tesip, buzǵanyn baıqadyq
Marat Sasanovtyń aıtýynsha, bul sıqyrly aınaǵa shamamen 1000 jyl bolǵan. Sebebi aınada qytaı ıeroglıfteri anyq kórinedi. Aına qoladan jasalǵan, pishini qısyqtaý kelgen.
-Aınanyń syıqyrly dep atalýynyń basty sebebi-aınamen naqty ne bolyp jatqanyn eshkim de naqty bilmeıdi. Aına arqyly qabyrǵaǵa kún sáýlesin jibergende, qabyrǵada artqy jaqta ornalasqan sýretter nemese jazbalar paıda bolady. Sol úshin de ony tylsym dúnıelermen baılanystyrady,-dedi Marat Sasanov.
Kórmeni daıyndaý barysynda mýzeı qyzmetkerleri kóne buıymnyń ózge de sıqyrly qasıetterin baıqaǵan. Olar eksponatty jipke ilgende sıqyrly aına jan-jaqqa jyljyp, bet jaǵymen burylmaǵan eken. Aıta ketý kerek, mýzeıge jyl saıyn HIH ǵasyrdyń túrli dúnıeleri túsip jatady. Bul mýzeı Fedor Dostoevskıı men Shoqan Ýálıhanovqa qatysty tyń derekterdi saqtap otyr.
Raýshan NUǴMANBEKOVA
«Egemen Qazaqstan»
SEMEI
