Shól dalada ystyq ótinde qalǵan aqqýlar sol mańaıdy meken etken shopan aýylyna barsa kerek. Sý berse ishpeı, álsiregen, tipti bireýin kólik qaqqan aqqýlardyń aýyr da aıanyshty halin ańǵarǵan shopan dereý tıisti oryndarǵa habar beredi.
Kúnniń ystyǵyn elemeı qustardy qutqarý úshin jolǵa shyqqan ınspektorlar on saǵatqa jýyq toqtamastan júrip otyryp aqqýlardy Aqtaý mańyndaǵy Qarakól ózenine alyp keldi.
Mańǵystaý oblystyq orman sharýashylyǵy jáne janýarlar álemi aımaqtyq ınspeksııasy basshysynyń orynbasary Ǵabbas Dosatovtyń aıtýynsha, aqqýlar meken aýdarý kezindegi aýa raıyna baılanysty Beıneý aýdanynyń Boranqul aýyly mańyna aıaldap qalǵan bolýy kerek. Azyqtyń joqtyǵy, kúnniń ystyqtyǵy syndy qolaısyz jaǵdaılar álsiretip jibergen. Alaıda, shopannyń qyraǵylyǵy men ınspektorlardyń shuǵyl áreketi aqqýlardy qıyn jaǵdaıdan qutqardy.
200-ge jýyq aqqý meken etken Qarakól ózenine jetkizilgen aqqýlar qazir ózderin jaıly sezinýde – azyqtanyp, áldenip keledi. Endi Qarakóldegi barlyq qustarmen birge olar da ınspektorlardyń jiti qadaǵalaýynda qamsyz tirshilik etpek.
Mańǵystaý oblysy
