Jarysqa qatysýshy 8 komandanyń arasynda top jaryp birinshi júldeli orynǵa Mańǵystaý oblystyq soty ıe bolsa, QR Memlekettik qyzmet isteri agenttiginiń Mańǵystaý oblysy boıynsha departamenti men basqa da memlekettik organdarmen birlesken «Qyzmet» komandasy ekinshi oryn aldy, al úshinshi júldeli oryn Mańǵystaý oblysynyń qazynashylyq departamentiniń enshisine tıdi. Júldegerlerge medaldar jáne kýboktar tabys etildi.
Budan basqa «Úzdik oıynshy» nomınasııasynda qazynashylyq departamenti komandasynyń ókili Nazym Seılhanova, «Qyzmet» komandasynyń oıynshysy Dınara Jumadılova jáne oblystyq sot komandasynyń ókili Farıza Qazbekqyzy úzdik atanyp, madaqtama hattarymen marapattaldy.
Uıymdastyrýshylardyń aıtýynsha, tek salaýatty ómir-salty ǵana emes, jalpy qoǵamda memlekettik qyzmettiń oń ımıdjin qalyptastyrýǵa baǵyttalǵan osyndaı sporttyq buqaralyq sharalar odan ári jalǵasyn tabatyn bolady.
