Almaty oblysynyń «Ile» oqý polıgonynda ARMI-2019 halyqaralyq áskerı oıyndaryna qatysatyn «Desanttyq vzvod» qurama komandasy sońǵy daıyndyqtaryn júrgizýde. Bul konkýrsqa irikteý jumystary birneshe etaptardan turdy. Áskerı qyzmetshiler ózderiniń myqtylyǵyn batalondyq, brıgadalyq jáne áskerler deńgeıinde dáleldep tańdaldy. Konkýrs erejesine saı 42 áskerı qyzmetshi iriktelip, 3 negizgi bólimshe men 1 qosalqy bólimshe jasaqtaldy.
Konkýrstyń negizgi bólimi 3-17 tamyz aralyǵynda Pskov oblysynyń «Strýgı krasnye» polıgonynda ótetin bolady. Qazaqstandyq komanda 26 shilde kúni attanady dep josparlanýda. Sebebi áskerı qyzmetshiler sol eldimekenniń klımatyna beıimdelip, qarýyn keltirip, qorshaǵan ortamen tanysýy tıisti.
Atalmysh konkýrstyń basty maqsaty bolyp halyqaralyq áskerı jáne áskerı-tehnıkalyq yntymaqtastyqty nyǵaıtý, áskerı qyzmettiń mártebesin kóterip, jeke quramnyń mashyqtylyǵy men kásibıligin baqylaý bolyp belgilendi.
Konkýrs 4 kezeńnen quralady jáne olar tehnıkalyq pen jaıaý bolyp bólingen, ıaǵnı jaýyngerler desanttalý, qoný alańyna jınalý, marsh jasaý, BMD (BTR) jeke jarysy, bólimshe quramyndaǵy bıatlon (júrgizý barysynda atys júrgizý), atys qarýy men granatamentten atys júrgizý, BMD (BTR) sprınti, desanttyq-shabýyldaý jolaǵyn ótý, BMD (BTR) qýyp júrý jarysy, bólimshe quramynda baǵdarlaý, BMD (BTR) estafetasy, atys qarýmen oq júrgizýmen marsh jasaý, dáldikpen jeke sekirý boıynsha saıysqa túsedi.
Esepteý barysynda áskerı tehnıkamen óner kórsetetin jeke quramnyń kórsetkishteriniń mańyzdylyǵy joǵary bolady. Jalpy eseptik oryndardan basqa, konkýrst erejesine sáıkes qosymsha nomınasııalar boıynsha marapattaý rásimi ótedi. Olar «Rýhymen myqty», «Birge biz myqtymyz», «báıge sheberi», «Dáldikke qoný» jáne «О́z isiniń sheberi» nomınasııalary.
Atalmysh konkýrsqa 20 elden kelgen komandalar qatysady dep kútilýde. 2017 jyly atalmysh konkýrs Qytaı Halyq Respýblıkasynda ótip, qazaqstandyq desantshylar 8 eldiń arasynda Reseı men QHR alǵa jiberip úshinshi orynǵa taban tiregen bolatyn.
Mańǵystaý oblysy
