Máslıhattyń turaqty komıssııasy otyrysyn VI shaqyrylym hatshysy Qaldybaı Qazanbaev ashty. Basymdyqty qaladaǵy áleýmettik máselelerdiń sheshilýi barysymen baılanystyrǵan qala ákimi turaqty ekonomıkalyq ahýalǵa nazar saldy. Búginde qala boıynsha barlyq ekonomıkalyq kórsetkishter turaqty. Negizi basymdyqty salalar – ónerkásip, aýyl sharýashylyǵy, qurylys, saýda, kólik, baılanys júıesinde 6 aı qorytyndysy boıynsha ekonomıkalyq ındıkator 104 paıyzdy, ıaǵnı ınvestısııa kólemi 8, ónerkásip óndirisi 5,2, qurylys 3,9, turǵyn úı 2 paıyzǵa ósken. Salyq esebinen 1 trln teńge jınalyp, 10 paıyz ósimdi kórsetip otyr. Shaǵyn jáne orta bıznes nysandarynyń ónimi 9,8 paıyzǵa artqan.
Qala ákimi basty nazarda turǵan jumyssyzdyq máselesine nazar aýdardy. Azyq-túlik baǵasynyń qymbattyǵy, kommýnaldyq tólemderdi joǵarylyǵy, baspana tapshylyǵy, medısına sapasynyń tómendigi, ekologııa sııaqty adam ómiri úshin mańyzdy máselelerge nazar aýdardy. Osy oraıda jurtshylyq aldynda jaýapkershilikti sezine otyryp jumys isteýdiń tıimdiligi men ádeletti júzege asýyna kóńil bólgen megapolıs basshysy aldaǵy jumystyń qalaı órbıtinin atap ótti. Baqytjan Saǵyntaev atqarylatyn jumystar qala turǵyndarynyń ómir sapasy, tabysynyń jorǵary bolýyna baǵyttalatyndyǵyn aıtyp, sheksiz qala negizinde jumys isteımiz dep atap ótti. Iаǵnı, qalany ortalyǵy men shet aýdandarynan bóle-jara qaraýǵa bolmaıdy. Qala shetindegi turǵyndarǵa ortalyqtaǵy múmkindikter qoljetimdi bolýy tıis.
ALMATY
