Mańǵystaý oblysynyń memlekettik mekemeleri arasynda salaýatty ómir saltyn nasıhattaý jáne jalpy qoǵamda memlekettik qyzmettiń oń ımıdjin qalyptastyrý maqsatynda ótken oblystyq spartakıadaǵa aımaqtaǵy barlyq memlekettik mekemeler men quqyq qorǵaý organdary, sot qyzmetkerleri qatysty. Olar shaǵyn fýtbol, voleıbol, basketbol, qazaqsha kúres, tennıs sekildi sporttyń 9 túrinen oıyn kórsetti.
Jarys qorytyndysy boıynsha erler arasyndaǵy shaǵyn fýtbol men basketboldan jáne áıelder arasyndaǵy voleıboldan Mańǵystaý oblystyq sotynyń komandalary júldeli birinshi oryndy qanjyǵasyna baılap, úsh birdeı kýbokty jeńip aldy.
Sondaı-aq, Mańǵystaý oblystyq sotynyń jetekshi mamany Farıza Qazbekqyzy voleıboldan, Jańaózen qalalyq sotynyń sot prıstavy Temirlan Zákir men Tergeý sotynyń bas mamany Oljas Demegenov basketboldan oblys boıynsha «Úzdik oıynshy» nomınasııasyn jeńip aldy.
Barlyq jeńimpazdar spartakıadanyń arnaıy kýboktarymen, dıplomdarmen jáne medaldarmen marapattaldy.
Erler arasyndaǵy voleıboldan úzdik oıyn kórsetken sot qyzmetkerleri Temirlan Zákir men Dinmuhammed Qýantaev Pavlodarda ótken respýblıkalyq kezeńge qatysty.
Búginde Mańǵystaý oblystyq sotynyń 60-tan asa sýdıalary men sot qyzmetkerleri jumystan bos ýaqytta turaqty túrde arnaıy sport keshenderinde dene shynyqtyrýmen aınalysyp, sot ujymynda ózara psıhologııalyq túsinistik ahýalyn qalyptastyryp keledi.
Mańǵystaý oblysy
