Kishkentaı búldirshinderdi Mańǵyshlaq vokzalynan oblystyq bilim basqarmasynyń ókilderi kútip alyp, olardy Aqtaý qalasynan 43 shaqyrymdaǵy teńiz jaǵalaýynda ornalasqan «Alaý» jazǵy saýyqtyrý lagerine ornalastyrdy. Jazǵy saýyqtyrý barysynda balalarǵa ekskýrsııalar, shyǵarmashylyq jáne tanymdyq sharalar uıymdastyrylady. Balalar Aqtaýda eki apta demalady.
- Biz kishkentaı qonaqtarymyzǵa jazǵy saýyqtyrý lagerde jaqsylap demalýyn tileımiz. Balalar jolda jaqsy kelgenderin aıtty. Biri birinshi ret kelse, endi biri Kaspıı teńizge kelip shomylǵan eken. Aralarynda bir úıden 2-3 bala bar. Olarǵa barlyq jaǵdaı jasap, olarǵa qajetti zattarmen qamtylǵanyn qadaǵalaımyz. Tamyz aıynda Arys qalasynan 50 bala «Baldáýren» lagerine demalýǵa keledi, dedi oblystyq bilim basqarmasy basshysynyń orynbasary Aıjaqsy Turjanova.
