Aımaqtar • 18 Shilde, 2019

Almatyda jas kásipkerler jobasy bastaldy

463 ret

kórsetildi

1 mın

oqý úshin

«Atameken» UKP elimizdiń barlyq óńirleri boıynsha 17 shildeden bastap «Jas kásipker» jobasyn jolǵa qoıdy. Maqsatty aýdıtorııasy NEET sanatyndaǵy jastar, jas jáne az qamtylǵan kópbalaly otbasylar, 18 ben 29 jas aralyǵyndaǵy eńbekke jaramdy múgedekter. Jastardy kásipkerlik qyzmetke jappaı tartý, kásipkerlik ıdeıalardy irikteý jáne qoldaý, bıznes júrgizý úshin praktıkalyq oqytý jáne daǵdylardy ıgerý, jastar arasynda kásipkerlik qyzmetti dáripteý, aýylda jáne qalada bıznes ortany qalyptastyrýdy maqsat etetin joba aıasynda jastar kásipkerliktiń álippesin tanyp, bıznes daǵdyǵa mashyqtanatyn bolady. О́z bıznesin ashýǵa jáne grant túrinde bastapqy 200 AEK (505 myń teńge), jeńildetilgen nesıeni jyldyq 6 paıyzben 8000 AEK-ke deıingi jeńildetilgen nesıe alýǵa múmkindik beredi.

Elvıra SERIKQYZY

Almatyda jas kásipkerler jobasy bastaldy

Joba uıymdastyrýshylary oqytý qalanyń barlyq 8 aýdanynda ótetin kásipkerlik daǵdyǵa baýlý UKP daıyndaǵan oqý josparyna sáıkes tájirıbelik tapsyrmalardy, keısterdi, iskerlik oıyndardy qoldana otyryp, kásipkerlik qyzmetti naryqtyq ekonomıka jaǵdaıynda 32 oqý synyptarynda ótetin bolady.

Ári árbir qatysýshyǵa 19273 teńge mólsherinde shákirtaqy tólenedi. Jobaǵa qatysý úshin qatysýshylar jeke kýáliktiń kóshirmesin, meken-jaı anyqtamasyn (egov.kz) ótkizip, ótinish toltyrýy qajet.

Qujattar Almaty qalasyndaǵy Kásipkerler palatasynda (Jibekjoly dańǵyly, 135 Amangeldi kóshesiniń qıylysy, 8-qabat) jáne kórsetilgen silteme boıynsha (http://atameken.kz/kk/news/32541-v-almaty-ob-yavlyaetsya-nabor-uchastnikov-na-proekt-zhas-kspker) qabyldanady. Tolyǵyraq aqparat alý úshin «Atameken» QR UKP baılanys ortalyǵyna habarlasý qajet: 1432 (Qazaqstan boıynsha qońyraý shalý tegin), Almaty qalasy boıynsha +7 (727) 33 101 33 (ishki baılanys 803, 7535).