Sharany QR Sybaılas jemqorlyqqa qarsy is-qımyl Agenttiginiń Mańǵystaý oblysy boıynsha departamentiniń basshysy Bolat Jylqybaev ashyp, uıymdastyrýshylarǵa alǵysyn bildire otyryp, osyndaı sharalardy ótkizýdiń mańyzdylyǵyna toqtalyp ótti. Al departamenttiń sybaılas jemqorlyq profılaktıkasy basqarmasynyń basshysy Qýandyq Abeldınov Agenttik tarapynan qolǵa alynǵan jobalar, atap aıtqanda «Mańǵystaý adaldyq alańy», «Protecting business and investments», «Sanaly urpaq», «Adal jol», arnaıy monıtorıng tobynyń maqsaty men mindetteri, sonymen birge sybaılas jemqorlyq derekteri boıynsha habar berýge múmkindik beretin 1424 Koll-ortalyǵy týraly tolyqtaı aqparat berdi.
Oqytý barysynda «Transparency Kazakhstan» QQ atqarýshy dırektory Olga Shııan Cybaılas jemqorlyqqa qarsy «Transparency Kazakhstan» jazdyq mektebiniń tyńdaýshylaryna sybaılas jemqorlyqqa qarsy is-qımyldaǵy halyqaralyq tájirıbelerge sholý, sybaılas jemqorlyqqa qarsy is-qımyl salasyndaǵy qoldanbaly quraldar men olardy iske asyrý týraly merzimderi kórsetilgen usynystar, sybaılas jemqorlyqqa qarsy júrgizilgen yntymaqtastyqtyń tıimdiligi týraly naqty mysaldar jáne sybaılas jemqorlyqtyń teris áserin joıý úshin qoldanylatyn strategııalary týraly naqty túsinik berip ótti.
Trenıngterge úkimettik emes uıymdar ókilderi, qoǵam belsendileri, oqytýshylar jáne qala turǵyndarynan turatyn 30-ǵa jýyq tyńdaýshy qatysty.
Kezdesý barysynda qatysýshylardyń taqyryp boıynsha kókeıdegi suraqtaryna naqty jaýap berilip, qatysýshylar sybaılas jemqorlyqqa qarsy mádenıetti qalyptastyrý baǵytyndaǵy is-sharalardy uıymdastyrýǵa óz úlesterin qosatyndaryn atap ótti.
Shara sońynda tyńdaýshylarǵa sybaılas jemqorlyqqa qarsy jazǵy mektebinde oqyǵany týraly sertıfıkattar tabystaldy.
Mańǵystaý oblysy
