Memlekettik kirister komıteti jeke tulǵalar úshin salyq tóleý merzimi týraly eskertedi. El azamattary 2018 jylǵa múlik pen jer salyǵy boıynsha tólemdi 2019 jyldyń 1 qazanyna deıin júrgizýi qajet. Sondaı-aq, kólik salyǵy aǵymdaǵy jyl úshin 2019 jyldyń 31 jeltoqsanyna deıin tólenedi. Esterińizge sala keteıik, qoldanystaǵy zańnamaǵa sáıkes jeke tulǵalar úshin salyqtyń atalǵan túrleri boıynsha jeńildikterge úmittene alatyn azamattardyń sanattary bar.
Qazaqstan Respýblıkasynyń Salyq kodeksine sáıkes, myna tulǵalar jer salyǵyn tóleýshiler bolyp tabylmaıdy:
-Uly Otan soǵysynyń qatysýshylary men múgedekteri jáne jeńildikter men kepildikter boıynsha solarǵa teńestirilgen adamdar, Uly Otan soǵysy jyldarynda tyldaǵy qajyrly eńbegi men minsiz áskerı qyzmeti úshin burynǵy KSR Odaǵy ordenderimen jáne medaldarymen nagradtalǵan adamdar, 1941 jylǵy 22 maýsym - 1945 jylǵy 9 mamyr aralyǵynda keminde alty aı jumys istegen (qyzmet ótkergen) jáne UOS jyldarynda tyldaǵy qajyrly eńbegi men minsiz áskerı qyzmeti úshin burynǵy KSR Odaǵy ordenderimen jáne medaldarymen nagradtalmaǵan adamdar, múgedekter, sondaı-aq bala jasynan múgedektiń, múgedek balalardyń ata-anasynyń bipeýi, jetim balalar jáne kámeletke tolǵanǵa deıin ata-anasynyń qamqorlyǵynsyz qalǵan balalar:
turǵyn-úı qory, onyń ishinde, onyń janyndaǵy qurylystar men ǵımarattar alyp jatqan jer ýchaskeleri;
úı mańyndaǵy jer ýchaskeleri;
qurylys alyp jatqan jerdi qosa alǵanda, jeke (qosalqy) úı sharýashylyǵyn júrgizý, baǵbandyq jáne saıajaı qurylysy úshin berilgen jer ýchaskeleri;
garajdar ornalasqan jer ýchaskeleri boıynsha;
- «Batyr ana» ataǵyna ıe bolǵan, «Altyn alqa» alqasymen nagradtalǵan kóp balaly analar:
turǵyn úı qory, onyń ishinde onyń janyndaǵy qurylystar men ǵımarattar alyp jatqan jer ýchaskeleri;
úı mańyndaǵy jer ýchaskeleri boıynsha;
- jeke turatyn zeınetkerler:
turǵyn úı qory, onyń ishinde onyń janyndaǵy qurylystar men ǵımarattar alyp jatqan jer ýchaskeleri;
úı mańyndaǵy jer ýchaskeleri boıynsha.
Myna tulǵalar jeke tulǵalardyń múlik salyǵyn tóleýshiler bolyp tabylmaıdy:
- Keńes Odaǵynyń Batyrlary, Sosıalıstik Eńbek Erleri, «Halyq qaharmany», «Qazaqstannyń Eńbek Eri» ataqtaryna ıe bolǵan, úsh dárejeli Dańq ordenimen jáne «Otan» ordenimen nagradtalǵan adamdar, «Batyr ana» ataǵyna ıe bolǵan, «Altyn alqa» alqasymen nagradtalǵan kóp balaly analar, bólek turatyn zeınetkerler - menshik quqyǵyndaǵy barlyq salyq salý obektisiniń jalpy qunynan respýblıkalyq bıýdjet týraly zańda belgilengen jáne tıisti qarjy jylynyń 1 qańtarynda qoldanysta bolatyn aılyq eseptik kórsetkishtiń 1000 eselengen mólsheri sheginde;
- Uly Otan soǵysynyń qatysýshylary men múgedekteri jáne jeńildikter men kepildikter boıynsha olarǵa teńestirilgen adamdar, Uly Otan soǵysy jyldarynda tyldaǵy qajyrly eńbegi men minsiz áskerı qyzmeti úshin burynǵy KSR Odaǵynyń ordenderimen jáne medaldarymen nagradtalǵan adamdar, sondaı-aq 1941 jylǵy 22 maýsym - 1945 jylǵy 9 mamyr aralyǵynda keminde alty aı jumys istegen (qyzmet ótkergen) jáne Uly Otan soǵysy jyldarynda tyldaǵy qajyrly eńbegi men minsiz áskerı qyzmeti úshin burynǵy KSR Odaǵynyń ordenderimen jáne medaldarymen nagradtalmaǵan adamdar, múgedekter - menshik quqyǵyndaǵy barlyq salyq salý obektisiniń jalpy qunynan respýblıkalyq bıýdjet týraly zańda belgilengen jáne tıisti qarjy jylynyń 1 qańtarynda qoldanysta bolatyn aılyq eseptik kórsetkishtiń 1 500 eselengen mólsheri sheginde;
- jetim balalar jáne 18 jasqa tolǵanǵa deıingi kezeńge ata-anasynyń qamqorlyǵynsyz qalǵan balalar.
Myna tulǵalar kólik quraly salyǵyn tóleýshiler bolyp tabylmaıdy:
- Uly Otan soǵysynyń qatysýshylary jáne múgedekteri jáne jeńildikter men kepildikter boıynsha olarǵa teńestiriletin adamdar, Uly Otan soǵysy jyldarynda tyldaǵy qajyrly eńbegi men minsiz áskerı qyzmeti úshin burynǵy KSR Odaǵy ordenderimen jáne medaldarymen nagradtalǵan adamdar, sondaı-aq 1941 jylǵy 22 maýsym - 1945 jylǵy 9 mamyr aralyǵynda keminde alty aı jumys istegen (qyzmet ótkergen) jáne Uly Otan soǵysy jyldarynda tyldaǵy qajyrly eńbegi men minsiz áskerı qyzmeti úshin burynǵy KSR Odaǵy ordenderimen jáne medaldarymen nagradtalmaǵan adamdar, Keńes Odaǵynyń Batyrlary men Sosıalıstik Eńbek Erleri, «Halyq qaharmany», «Qazaqstannyń Eńbek Eri» ataqtaryna ıe bolǵan, úsh dárejeli Dańq ordenimen jáne «Otan» ordenimen nagradtalǵan adamdar, «Batyr ana» ataǵyna ıe bolǵan nemese «Altyn alqa» ne «Kúmis alqa» alqalarymen nagradtalǵan kóp balaly analar - salyq salý obektisi bolyp tabylatyn bir avtokólik quraly boıynsha;
- menshiginde motokolıaskalary men avtomobılderi bar múgedekter -salyq salý obektisi bolyp tabylatyn bir avtokólik quraly boıynsha.
Biraq aıtý kerek, bundaı erejelerin qoldaný quqyǵy bar jeke tulǵanyń olarda kórsetilgen bir nemese birneshe sanattarǵa jatatynyna-jatpaıtynyna qaramastan, salyqtyq kezeń ishinde bir avtokólik quraly boıynsha (qozǵaltqyshynyń kólemi 4000 tekshe santımetrden asatyn, oǵan qatysty 2013 jylǵy 31 jeltoqsannan keıin ýákiletti memlekettik organda kólik quralynyń menshik ıesiniń aýysýyna baılanysty tirkeý áreketteri júrgizilgen jeńil avtomobılden basqa) qoldanylady.
Sonymen qatar, joǵaryda atalǵan jeńildikter tıisti ýákildik berilgen memlekettik organdardyń maǵlumattary negizinde qoldanylady.
Budan bólek, bosatý quqyǵy osy quqyq paıda bolǵan aıdyń birinshi kúninen bastap qoldanylatynyn qosymsha habarlaımyz.
Prezıdenttiń qarapaıymdylyǵy qatty unady – Shavkat Rahmonov
Sport • Búgin, 23:06
ShQO TJD «Ulttyq kıim kúni» chellenjin ótkizdi
Qoǵam • Búgin, 11:35
Álıhan Smaıylov qazaq elin Naýryz meıramymen quttyqtady
Úkimet • Búgin, 11:00
Búgin elimizdiń basym bóliginde kún ashyq bolady
Aýa raıy • Búgin, 10:40
Qazaqstan • Búgin, 10:18
Uqsas jańalyqtar
