MINDETTER MEJELENDI

17 naýryzda “Qazaqstan Respýblıkasynyń Prezıdenti N.Á.Nazar­baevtyń 2010 jylǵy 29 qańtardaǵy Joldaýynan jáne 2010 jylǵy 1 aqpandaǵy № 922 Jarlyǵymen bekitilgen Qazaqstan Respýblıkasynyń 2020 jylǵa deıingi Strategııalyq damý josparynan týyndaıtyn agenttiktiń mindetteri týraly” taqyrypta Jer resýrstaryn basqarý agenttiginiń keńeıtilgen alqa otyrysy ótkizildi. Alqa otyrysynda agenttiktiń tóraǵasy О́mirzaq О́zibekov atalǵan taqyryp aıasynda baıandama jasa­dy. Onda О́.О́zibekov Joldaýdan týyndaıtyn agenttiktiń aldyndaǵy mindetterge erekshe toqtaldy. So­nyń ishinde senimdi quqyqtyq orta qalyptastyrý boıynsha agenttiktiń ortalyq apparatyna jer zańnama­la­ryn odan ári jetildirý jumys­ta­ryn júrgizý jáne Májilis qaraý­yn­da jatqan “Jer kodeksine óz­ger­týler men tolyqtyrýlar engizý týraly” zań jobasyn tezirek qa­byldanýyna yqpal jasaý qajet. Agenttiktiń qazynalyq kásip­oryn­daryna geodezııa jáne kartor­grafııa salasy boıynsha el eko­no­mı­kasyna qajetti jumystardy sapa­ly oryndaý, sonymen qatar, elimizdiń Kedendik odaqqa kirýine baılanysty, ońtústik shekaralardy demarkasııalaý jumystaryn meı­linshe tezirek júrgizý mindetteri júkteledi. Joldaýda belgilengen aýyl sharýashylyǵy salasynda eńbek ónimdiligin arttyrýǵa qatysty máseleler boıynsha О́ńiraralyq jer ınspeksııalaryna, jergilikti atqarýshy organdarmen birlese otyryp, ıesiz jáne de paıdalanbaı jatqan aýyl sharýashylyǵy jerlerin anyqtaý jáne de zańdarǵa sáıkes olardy esepke alý men májbúrlep ıelikten shyǵarýdy iske asyrý tapsyryldy. “Egemen-aqparat”.