Mınıstrdi mekemeniń jumys barysymen
tanystyrǵan Taraz qalalyq jumyspen qamtý ortalyǵynyń dırektory Baýyrjan
Tólegenov ortalyqta ótken jyly 12 myńnan asa adamnyń túrli qyzmetter alǵanyn
baıandady.
Sonymen qatar ol mundaı jumystar aldaǵy ýaqyttarda da jalǵasa beretinin
jetkizdi. Sondaı-aq óńirge jumys sapary barysynda mınıstr «Barbershop» sulýlyq
salonyna da bardy. Salon jetekshisi Aıda Batyrbekova
ótken jyly «Eńbek» baǵdarlamasy arqyly «Damý» qorynan 5 mıllıon teńge shaǵyn
nesıe alyp, óz kásibin ashqan. Búginde kásipker bes adamdy turaqty jumyspen
qamtyp, jergilikti turǵyndarǵa shash úlgilerin jasaý, qyrqý sekildi sán áleminiń
suranysyna saı qyzmetter kórsetip kele jatqanyn baıandady. Al, Berdibek
Saparbaev óz kásibin ashyp, turmysyn tikteımin deıtin azamattarǵa memleket jáne
jergilikti bılik tarapynan barlyq qoldaýlar jasalý kerektigin basa aıtty.
Sonymen qatar mınıstr oblysqa jumys sapary kezinde Jambyl oblystyq ákimdiginde ótken jıynǵa da qatysty. Jıynda aımaqtaǵy ataýly áleýmettik kómektiń berilý jaıy qaralyp, sol turǵydaǵy ózekti máseleler talqylandy. Budan keıin mınıstr Berdibek Saparbaev Jambyl oblysynyń T.Rysqulov aýdanynda bolyp, jergilikti halyqtyń jáne aýdandyq jumyspen qamtý ortalyǵynyń jaı-kúıimen tanysty.
