Rýhanııat • 25 Shilde, 2019

Meıirimdi sýretshiniń «Megapolısi»

123 ret kórsetildi

«Men shyǵarmashylyǵymda negatıv bermeýge, kerisinshe meıirim qosýǵa tyrysamyn. Ashyq tústerdi paıdalanýǵa beıimmin. Bala kúnimde ákemniń oıýlaryna boıaý jaǵatynmyn. Ashyq tústerdi qol­daný sol bala kúngi estelikterden qalǵan», deıdi belgili qylqalam sheberi, Qazaqstannyń eńbek sińirgen qaıratkeri, Sýretshiler odaǵy men Dızaınerler odaǵynyń múshesi Sultan Ilıaev.

Elimizge tanymal sýretshi Ǵanı Ilıaevtyń uly ǵana emes, onyń ónerin de jalǵastyrǵan murageri Sultan Ǵanıuly jýyrda Shymkent qalasynda jeke shyǵarmashylyq kórmesin ótkizdi. Kórmeniń qurmetti qonaǵy bolǵan belgili qylqalam sheberi, Memlekettik syılyqtyń laýreaty Erbolat Tólepbaı: «Sul­tannyń árbir týyndysy tol­ǵanýdy qajet etedi. Keskindeme ónerinde kompozısııalyq sheshim degen bolady. Sýretshi týyn­dyl­arynyń basym bóliginde óte sátti kompozısııalyq sheshimder bar. О́ner jolynda birden úlken dárejege jete qoıý qıyn. Oǵan satylap jetedi. Al Sultan­nyń keıbir jumysynda óte sátti shyq­qan dúnıeleri bar eken», dep pikirin bildirdi. 

«Megapolıs» atty kórmege av­tor­dyń sońǵy jyldary salyn­ǵan 100-den astam týyndysy qoıyl­ǵan. Atap aıtqanda, «Aýyl», «Altyn aı», «Arnaý», «Aǵash kóleń­kesinde», «Qalyńdyq», «Besik», «Teńizdiń jaǵasynda», «Ushý» syndy 28 polotno men «Balalyq shaq», «Bala túsi», «Idıllııa», «Ushý», «Oıaný», «Kún men tún», «Áýen», «Kún astyndaǵy úı», «Balyq­tar men qustar» sııaqty gra­fı­kalyq keskin­demeler bar. Qyl­qalam sheber­leriniń baǵalaýynsha, S.Ilıaev ónerine sımvoldar men tańbalarǵa toly keskindemedegi erekshe formany tapqan sýretshi. Ol óz kartınalaryna etno­má­denı sıpatqa toly quraq, shańy­raq syndy qazaqtyń sándik-qol­danbaly óneriniń elementterin kirgizgen. О́nertanýshylar sý­ret­­shi shyǵarmalarynyń basty tujy­­rymy – qasań sheńberdi bu­zyp, qarapaıym adamdar baı­qaı bermeıtin álemge, kez kelgen keskinge jańa kúı syılaýy­men daralaný ekenin aıtýda. Kóp­shilik joǵary deńgeıde uıymdas­ty­ryl­ǵan kórmege jaqsy baǵa berip, óner ıesine alǵysyn bildirýde. 

Aıta keteıik, sýretshiniń ju­mys­­tary búginde Almaty, Más­keý, Tash­kent, Sochı qalalaryndaǵy mýzeılerde jáne álemniń túrli qalalaryndaǵy jeke galereıalarda saqtaýly. 


Shymkent
Sońǵy jańalyqtar

Shymkentte taǵy bir aýdan qurylady

Qoǵam • Búgin, 16:58

Almatyda qant qymbattap barady

Qoǵam • Búgin, 16:45

Dollar baǵamy ósti

Qarjy • Búgin, 16:12

Uqsas jańalyqtar