- Mysaly, Batys Qazaqstan oblysynda jalpy orta bilim beretin mekeme pedagogtarynyń quqyǵy buzylǵany anyqtaldy. Olardy óz qarajaty esebinen medısınalyq tekserýden ótýge zańsyz mindettegen. Bilim berýdiń ınklıýzıvti baǵdarlamalary boıynsha jumys úshin qosymsha aqy tólemegen. Bul iske prokýratýra organdary aralasyp, óńirdegi 10 myńnan astam muǵalimniń quqyǵy qalpyna keltirildi, - deıdi Baýyrjan Zákıuly.
Sondaı-aq Oral qalasy jáne Bórli aýdany boıynsha kommýnaldyq qyzmet úshin qaryzy bar 200 myńnan astam azamattyń derbes derekterin qorǵaý quqyǵyn buzý faktileriniń joly kesilgen. Osyǵan oraı «Aqsaıjylýqýat» JShS, «BatysEnergoResýrsy» JShS Qazaqstan Respýblıkasy Ákimshilik quqyqbuzýshylyq týraly Kodekstiń 79-baby boıynsha derbes derekter jáne olardy qorǵaý týraly zańnamasyn buzǵany úshin ákimshilik jaýapkershilikke tartyldy.
Budan ózge Prokýratýranyń usynýy boıynsha Oral qalasynyń 104 myń tutynýshysy úshin «Batys sý arnasy» JShS kórsetetin sýmen jabdyqtaý qyzmetine tarıf quny tómendetilgeni. 66 kásiporyndaǵy 190 qyzmetkerdiń jalaqy boıynsha shaǵymy qaralyp, 53,9 mln. teńgeni quraıtyn bereshek óndirildi.
- Qaztalov aýdanynda quny 1,3 mlrd. teńge bolatyn sýkerneýish munarasyn balansqa almaý faktisi anyqtaldy, bul turǵyndarǵa aýyz sýdy sýbsıdııalaýǵa teris áserin tıgizdi. Sonyń kesirinen aýyldaǵy 3931 turǵyn 30 teńgeniń ornyna jyl boıy sýdyń ár tekshe metrine 385 teńge tólep kelgen, - deıdi prokýratýra ókili.
Statıstıkalyq málimetter óńirde qylmystyq quqyq buzýshylyq mólsheri 10%-ǵa tómendegenin kórsetip otyr. Jalpy, quqyq qorǵaý qyzmetteri ortalyǵyna jyl basynan beri 1007 adam túrli shaǵymmen kelgen. Sonyń ishinde 766 azamatty prokýrorlar qabyldap sóılesken. «Olardyń bárine zańnama túsindirilip, talap aryz jazýǵa kómek kórsetildi» deıdi BQO prokýratýrasynyń resmı ókili Baýyrjan Ahmetjan.
Batys Qazaqstan
